💞💞അവൾ രാജകുമാരി-13💞💞 [ ചെകുത്താനെ സ്നേഹിച്ച മാലാഖ ] 509

നീ അന്ന് ഈ വനത്തിൽ എത്തുന്നതിനു മുൻപ് തന്നെ ഞാൻ എന്റെ ജീവനും ആത്മാവും മറ്റൊരു ശരീരത്തിൽ ഒളിപ്പിച്ചു വച്ചു . ആ ശരീരത്തിന്റെ യഥാർത്ഥ ഉടമ പോലും അത് ഇതുവരെ അറിഞ്ഞിട്ടില്ല ….

എന്റെ ആത്മാവും ജീവനും ഞാൻ ഒളിപ്പിച്ച് വച്ചിരിക്കുന്ന ആ ശരീരം ജീവനറ്റതായാൽ മാത്രമേ കാലാസുരന്റെ യഥാർത്ഥമായ ഈ ശരീരവും മരിക്കുകയുള്ളൂ …. അല്ലാതെ എന്റെ ഈ ശരീരത്തെ നീ എത്ര പ്രവശ്യം ഛേദിച്ചാലും ശിരസ്സറുത്താലും അഗ്നിയിലിട്ടാലും ഞാൻ തിരിച്ച് വരും …. ഇതാണ് യഥാർത്ഥ പരകായപ്രവേശം
….. കാരണം …… കാരണം ഞാൻ ഞാൻ കാലാസുരനാണ് ഹ…… ഹാ …….. ഹാ …ഹാ……… ഹ ഹാ …….

ഇപ്പോൾ ഞാൻ പറയുന്നത് അനുസരിക്കാൻ ഈ അഞ്ചു പേരുണ്ട് നാളെയത് അയ്യായിരമാക്കി മാറ്റും ഞാൻ …. പക്ഷെ അതിന് മുൻപ് നിന്റെ ജീവൻ എനിക്ക് വേണം , പിന്നെ ഈ ആയുധവും . എനിക്ക് അമരത്വം നേടാൻ നിന്റെ ജീവനാണ് ഏക വഴി ….. നീ ഇനി എത്ര ജന്മം ജനിച്ചാലും എന്നെ വധിക്കാനാകില്ല … എന്റെ ആത്മാവ് മറച്ച് വച്ചിരിക്കുന്ന ശരീരം നിനക്ക് കണ്ടെത്താനാകില്ല …

ഇനി നീ കണ്ടെത്തിയാലും നിനക്ക് ആ ശരീരത്തെ ഒന്നും ചെയ്യാനാകില്ല …. കാരണം എന്നെ കൊല്ലണമെങ്കിൽ എന്റെ ജീവനോടൊപ്പം എന്റെ ജീവൻ മറഞ്ഞിരിക്കുന്ന ആ ശരീരത്തിന്റെ യഥാർത്ഥ ജീവനും നീ എടുക്കണം …. ഹാ…… ഹ ഹാ …….
ആ ശരീരത്തിന് നേരെ ആയുധം ചൂണ്ടാൻ നിന്റെ കൈ വിറയ്ക്കും മനസ്സ് പിടയ്ക്കും …… ഹ……. ഹാ…. നിനക്കതിനാവില്ല . ”

കാലാസുരൻ അട്ടഹസിച്ചുകൊണ്ട് ആദിത്യനോട് പറഞ്ഞ ശേഷം നിലത്ത് അബോധ അവസ്ഥയിൽ കിടക്കുന്ന അവന്തികയെ നോക്കി …. കാലാസുരന്റെ ആ വാക്കുകൾ കേട്ട ആദിത്യന് അതൊരു പുതിയ അറിവായിരുന്നു …..