💞💞അവൾ രാജകുമാരി-13💞💞 [ ചെകുത്താനെ സ്നേഹിച്ച മാലാഖ ] 509

ബോധം മറഞ്ഞ് തുടങ്ങിയ ആദിത്യൻ നിലത്ത് കിടന്നുകൊണ്ട് പതിയെ തല പൊക്കി തൊട്ടരികിൽ കിടക്കുന്ന അവന്തികയെ നോക്കി …. രക്തം വാർന്നൊഴുകുന്ന വലത് കൈ ഉയർത്തി ആദിത്യൻ പതിയെ അവന്തികയുടെ കയ്യിൽ പിടിച്ചു …. ഒരു ഞെട്ടലോടെ ആദിത്യൻ അവളുടെ കൈയ്യിൽ മുറുകെ പിടിച്ചു …. അവളുടെ ശരീരത്തിൽ നിന്ന് ജീവൻ നഷ്ടമായി എന്നവന് മനസ്സിലായി ….. ഉടനെ അവന്റെ ശ്വാസ്വാേഛ്വോസം വർദ്ധിച്ചു … അവന്റെ കണ്ണിൽ നിന്ന് അവസാനത്തെ തുള്ളി കണ്ണുനീരും പതിയെ ഭൂമിയിലേയ്ക്ക് പതിച്ചു …… പതിയെ അവളുടെ കയ്യിൽ മുറുക്കെ പിടിച്ചിരുന്ന അവന്റെ ആ കൈ ആ പിടിവിട്ട് നിലത്തേയ്ക്ക് വീണു ….

<<<<<<<<<<<<<<<•>>>>>>>>>>>>>>>

” തന്റെ നിയോഗം നിറവേറ്റിയെങ്കിലും അതിനെ പൂർത്തിയാക്കാൻ ആദിസൂര്യന് കഴിഞ്ഞില്ല ……. പൂർത്തീകരിക്കാത്ത ആ നിയോഗവും , ഒന്നാകാൻ കഴിയാത്ത അവരുടെ പ്രണയവും അവ തന്നെയാണ് അവർ അവരുടെ വംശാവലിയിൽ തന്നെ വീണ്ടും നിങ്ങളിരുവരുമായി പിറവിയെടുക്കാൻ കാരണം …. നിങ്ങളുടെ ജന്മ രഹസ്യവും അത് തന്നെയാണ് ……. ”

വിശ്വജിത്തൻ പറഞ്ഞ് നിർത്തിയ ശേഷം താൻ പറഞ്ഞതെല്ലാം കേട്ടിരുന്ന രാഹുലിന്റെ മുഖത്തേയ്ക്ക് നോക്കി ….. രാഹുലാകട്ടെ ആകെ ഒരു ഞെട്ടലിലായിരുന്നു …. താൻ ആരെന്ന സത്യം അറിഞ്ഞതിലുള്ള ഒരു തരം മരവിപ്പിൽ ……

” അതിന് ശേഷം അവിടെ എന്താണ് സംഭവിച്ചത് …? ഈ ദേശമെങ്ങനെ ഇങ്ങനെയായി …..? നിങ്ങൾ , നിങ്ങളുടെ പേര് മാത്രമേ എന്നോട് പറഞ്ഞിട്ടുള്ളു , യഥാർത്ഥത്തിൽ നിങ്ങൾ ആരാണ് ….. ? ”

രാഹുൽ തന്റെ മനസ്സിൽ നിറഞ്ഞു വന്ന ചോദ്യങ്ങൾ വിശ്വജിത്തനോട് ചോദിച്ചു ….. അതിന് അയാൾ ഒന്ന് പുഞ്ചിരിക്കുക മാത്രം ചെയ്തു …….

തുടരും ……

സ്നേഹത്തോടെ ….,

VICHU [ ചെകുത്താനെ സ്നേഹിച്ച മാലാഖ ]