💞💞അവൾ രാജകുമാരി-13💞💞 [ ചെകുത്താനെ സ്നേഹിച്ച മാലാഖ ] 509

അത്രേയൻ ഉള്ളിൽ നിറഞ്ഞ് വന്ന ദേഷ്യഭാവത്തോടെ പറഞ്ഞു ….

” എങ്ങോട്ടാണ് പിതാവെ യാത്ര അതും
എന്തിന് ? ”

അഗ്നിമിത്രൻ സംശയത്തോടെ ചോദിച്ചു …

” ലക്ഷ്യം നമ്മുടെ പിതാക്കന്മാർ പലവട്ടം ശ്രമിച്ച് പരാജയപ്പെട്ട കാര്യം നേടിയെടുക്കാൻ …. പോകേണ്ടത് കിഴക്ക് ദിശ ലക്ഷ്യമാക്കി …… ”

ആത്രേയൻ തന്റെ ഉടവാൾ കയ്യിൽ എടുത്ത് അതിലേയ്ക്ക് തന്നെ നോക്കി പറഞ്ഞു .

***************************

സമയം കടന്ന് പോയി …..
തനിക്ക് മുൻപേ പറന്ന് പോകുന്ന കഴുകന്റെ പിന്നാലെ ആദിത്യൻ മുന്നിലെ തടസ്സങ്ങൾ വകവയ്ക്കാതെ മുന്നോട്ട് പാഞ്ഞു …..

ചന്ദ്രമംഗലം കൊട്ടാരത്തിന് മൈലുകൾക്കപ്പുറത്തുള്ള വനത്തിലൂടെ അവൻ മുന്നോട്ട് നീങ്ങി …..
ആ വനത്തിനുള്ളിലൂടെ കുറേ ദൂരം മുന്നോട്ട് പോയതും ഇനി പോകാനുള്ള ദിശയറിയാതെ കഴുകൻ താഴേയ്ക്ക് പറന്നിറങ്ങിയ ശേഷം ചുറ്റും നോക്കി , കാരണം കഴുകൻ ആദിത്യനെ അറിയിക്കാൻ തിരികെ പറക്കുന്നതിന് മുൻപ് അവസാനമായി അവരെ കണ്ടത് ഇവിടെ വച്ചായിരുന്നു .

“…..ക്ലീ ……… ക്ലീ ……… ക്ലീ ……… ക്ലീ ……… ”

നിലത്തേയ്ക്ക് പറന്നിറങ്ങിയ കഴുകൻ ആദിത്യനെ നോക്കി ശബ്ദമുണ്ടാക്കി , താൻ ഇനി നിസ്സഹായനാണെന്ന അർത്ഥത്തിൽ ….. ഉടനെ ആദിത്യൻ കൈ നീട്ടിയതും കഴുകൻ മുകളിലേയ്ക്ക് പറന്നുയർന്നു .
ഇനി എങ്ങോട്ട് പോകണം എന്നറിയില്ല എങ്കിലും ആദിത്യൻ മുന്നോട്ട് തന്നെ നീങ്ങി ……..