💞💞അവൾ രാജകുമാരി-13💞💞 [ ചെകുത്താനെ സ്നേഹിച്ച മാലാഖ ] 509

“എല്ലാം …… എനിയ്ക്ക് വേണ്ടി …… ഞാൻ കാരണം ….. ”

അവന്തിക അതും പറഞ്ഞ് പൊട്ടി കരഞ്ഞു …..
ആദിത്യൻ തന്റെ കൈ കൊണ്ട് അവളുടെ മുഖത്തു കൂടി ഒഴുകിയിറങ്ങുന്ന കണ്ണുനീർ തുള്ളികൾ തുടയ്ച്ച മാറ്റി ….

” നീ ….. കാരണമല്ല , ഈ നിർഭാഗ്യവാന്റെ വിധിയാണിത് ….. നിന്നെയെങ്കിലും എനിക്ക് ഇവിടെ നിന്ന് രക്ഷപ്പെടുത്തണമെന്നുണ്ട് , പക്ഷെ അതിന് എന്നെക്കൊണ്ട് സാധിക്കുമോ എന്നറിയില്ല ….. ”

ആദിത്യൻ അത്രയും പറഞ്ഞ് അവളെ തന്നെ നോക്കി കിടന്നു … പതിയെ അവന് തന്റെ കണ്ണുകളിൽ ഇരുട്ട് കയറുന്നത് പോലെ തോന്നി , ഒരു തരം മരവിപ്പും … പതിയെ അവന്റെ കണ്ണുകൾ അടഞ്ഞു , അവന് പൂർണ്ണമായും ബോധം നഷ്ടമായി …. അബോധ അവസ്ഥയിൽ കിടക്കുന്ന അവന് മുൻപിൽ നിറകണ്ണുകളോടിരിക്കാനല്ലാതെ അവൾക്ക് ഒന്നും ചെയ്യാൻ സാധിച്ചില്ല …..

ഹോമകുണ്ഡത്തിലെ തീ ആളി കത്തിക്കൊണ്ടിരുന്നു …. പൂജാകർമ്മങ്ങൾ പൂർത്തിയാക്കി കാലാസുരൻ തന്റെ ഇരിപ്പിടത്തിൽ നിന്നും എണീറ്റു .

ആദിത്യന്റെ നെഞ്ചിൽ മുഖം ചേർത്ത് പൊട്ടി കരഞ്ഞുകൊണ്ടിരുന്ന അവന്തികയുടെ മുടിയിൽ പിടിച്ച് അവളെ വലിച്ചെണീപ്പിച്ച ശേഷം കാലാസുരൻ അവളെ പുറകിലേയ്ക്ക് തള്ളിയിട്ടു ,

” ………. മാതേ …….. ”