??അവൾ രാജകുമാരി-13?? [ ചെകുത്താനെ സ്നേഹിച്ച മാലാഖ ] 509

” എടീ ….. നിനക്കിത്ര ധൈര്യമോ ….. നിന്നെ ഇവിടെ എത്തിയ്ച്ചത് എന്റെ ജീവനും ആത്മാവും നിന്റെ ശരീരത്തിൽ നിന്നും തിരികെയെടുക്കാനും ഒപ്പം ഇവനെ ഇവിടെ എത്തിക്കുവാനും വേണ്ടിയാണ് …. അവ രണ്ടും നടപ്പിലായി , ഇനി നിന്നെ ഇവിടെ ആവശ്യമില്ല …. ഞാൻ അമരത്വം നേടുന്നതിന് മുൻപ് ഒരു കന്യകയെ ബലിയായി അർപ്പിക്കുന്നത് എന്റെ ഉപാസന മൂർത്തിയ്ക്ക് കൂടുതൽ സന്തോഷം നൽകും …. അതുകൊണ്ട് ആദ്യം എന്റെ കർമ്മങ്ങൾക്ക് തടസ്സമായി നിൽക്കുന്ന നീ യമപുരിയിലേയ്ക്ക് പോ ……. ”

കാലാസുരൻ ദേഷ്യത്തോടെ അലറി വിളിച്ചു കൊണ്ട് അവന്തികയുടെ തലമുടിയിൽ പിടിച്ച് അവളെ വലിച്ചെണീപ്പിച്ച ശേഷം കയ്യിലിരുന്ന കഠാര ഉപയോഗിച്ച് അവന്തികയുടെ വയറ്റിലേയ്ക്ക് ആഞ്ഞ് കുത്തി …

” ………. ആ ………. മാതേ ………… ”

അവൾ പ്രാണൻ പോകുന്ന വേദനയോടെ അലറി വിളിച്ചു ….
വയറ്റിൽകുത്തിയിറക്കിയ കഠാര വലിച്ചൂരി കാലാസുരൻ വീണ്ടും ആ മുറിവിലേയ്ക്ക് ആഞ്ഞ് കുത്തി …..

” ………………. ആ …………………….”

അവന്തിക വേദന കൊണ്ട് അലറി വിളിച്ചു …. അവളുടെ ആ നിലവിളി ശബ്ദം വന്ന് പതിച്ചത് ആദിത്യന്റെ ചെവികളിലായിരുന്നു ….. ആ നിലവിളി ശബ്ദം കേട്ട് ആദിത്യൻ പതിയെ കണ്ണുകൾ തുറന്നു .

കണ്ണുകൾ തുറന്ന അവൻ മുൻപിലെ കാഴ്ച കണ്ട് നടുങ്ങി …. അവന്തികയുടെ വയറ്റിലേയ്ക്ക് കാലാസുരൻ കഠാര കുത്തിയിറക്കിയിരിക്കുന്നത് കണ്ട ആദിത്യൻ , ഉള്ളിലുണ്ടായ സങ്കടത്തോടെയും കാലാസുരനോടുള്ള ദേഷ്യത്തോടെയും അലറി കരഞ്ഞു കൊണ്ട് നിലത്ത് നിന്ന് എണീറ്റ ശേഷം തന്റെ സർവ്വ ശക്തിയും എടുത്ത് അവൻ കാലാസുരന്റെ നെഞ്ചിലേയ്ക്ക് ആഞ്ഞ് ചവിട്ടി …..