??അവൾ രാജകുമാരി-13?? [ ചെകുത്താനെ സ്നേഹിച്ച മാലാഖ ] 509

പെട്ടെന്ന് ……

” …..ആ ………….. ആ ………….. ആ …….. ”

അടുത്ത നിമിഷം അവിടെ മുഴങ്ങിയത് ഒരു നിലവിളി ശബ്ദമായിരുന്നു ……. ആദിത്യന്റെ കഴുത്തിന് നേരെ കത്തി വയ്ച്ചവൻ വായുവിലൂടെ ഉയർന്ന് പൊങ്ങി ദൂരേയ്ക്ക് വീഴുന്നതാണ് മറ്റുള്ള നാല് പേരും കണ്ടത് ……

ആ കാഴ്ച കണ്ട മറ്റ് നാലു പേരും അപ്പോഴും നിലത്ത് മുട്ടുമടക്കി ഇരിക്കുന്ന ആദിത്യനെ ഒന്ന് നോക്കി ….. ആദിത്യനും ശിരസ്സുയർത്തി മുന്നിൽ നിൽക്കുന്നവരെ നോക്കി , പെട്ടെന്ന് അവന്റെ കണ്ണുകൾ രക്തവർണ്ണമായി മാറി …. ശരീരത്തിലെ പേശികൾ ദൃഢമായി ഞരമ്പുകളിലൂടെ രക്തം അതിവേഗം പ്രവഹിക്കാൻ തുടങ്ങി .

പെട്ടെന്നുള്ള ആദിത്യന്റെ മാറ്റം കണ്ട് ആ നാലു പേരും അൽപം നടുങ്ങി ….. അവർ നോക്കിയപ്പോൾ വലിച്ചെറിയപ്പെട്ടവൻ വേദനകൊണ്ട് നിലത്ത് കിടന്ന് പിടയുന്നതാണ് കണ്ടത് .

” …. ടാ …………… ”

മറ്റുള്ള നാലു പേരും അലറി വിളിച്ചു കൊണ്ട് ആയുധങ്ങളുമായി ആദിത്യന്റെയടുത്തേയ്ക്ക് ഓടിയടുത്തു . ആദിത്യൻ അതിവേഗം രണ്ടു കയ്യും നിലത്ത് കുത്തി ചാടി എണീറ്റു …. ഒരുവൻ തന്റെ നെഞ്ച് ലക്ഷ്യമാക്കി വീശിയ വാളിൽ നിന്ന് ആദിത്യൻ പുറകിലേയ്ക്ക് വളഞ്ഞ് ഒഴിഞ്ഞ് മാറി . എന്നിട്ട് തന്റെ മുഷ്ടി ചുരുട്ടി അടുത്ത് വന്നവന്റെ വയറ്റിലേയ്ക്ക് ആഞ്ഞ് പ്രഹരിച്ചു , അവനും അവന്റെ കയ്യിലിരുന്ന വാളും ദൂരേയ്ക്ക് തെറിച്ച് വീണു .