??അവൾ രാജകുമാരി-13?? [ ചെകുത്താനെ സ്നേഹിച്ച മാലാഖ ] 509

വീഴ്ചയിൽ നിന്ന് പതിയെ എണീറ്റ കാലാസുരന്റെ ഹൃദയത്തിലേയ്ക്ക് പ്രതീക്ഷിക്കാതെ അതിവേഗം ആദിത്യൻ ആ വാൾ കുത്തിയിറക്കി …. ആ വാൾ കാലാസുരന്റെ ഹൃദയം തുളയ്ച്ച് പുറത്തേക്ക് വന്നു . കാലാസുരന്റെ നെഞ്ചിലെ ആ മുറിവിലൂടെയും വായിലൂടെയും രക്തം ഒരു നദി പോലെ വേഗം ഒഴുകിയിറങ്ങി …..

” …………. ആ …………… ”

കാലാസുരൻ വേദന കൊണ്ട് അലറി വിളിച്ച് കരഞ്ഞു …. അവന്റെ ആ നിലവിളി ആ വനത്തെ ഒന്നാകെ പിടിച്ച് കുലുക്കി …..

” എന്റെ പ്രാണനല്ലേ നിനിക്ക് വേണ്ടിയിരുന്നത് … നിനക്ക് എന്നെ എന്തു വേണമെങ്കിലും ചെയ്തിട്ട് അവളെ വെറുതെ വിട്ടുകൂടായിരുന്നോ ….? അവൾ എന്ത് ദ്രോഹമാ നിന്നോട് ചെയ്തത് ? എന്നിട്ടും നീ … നീ എന്തിനാ അവളുടെ പ്രാണനും ആഗ്രഹിച്ചത് …..? അവളുടെ ശരീരം നോവിച്ചത് ….”

ആദിത്യൻ നിറഞ്ഞൊഴുകിയ കണ്ണീരോടെ പറഞ്ഞ ശേഷം കാലുസുരന്റെ നെഞ്ചിൽ താഴ്ത്തി വച്ചിരിക്കുന്ന വാളിനെ ആ മുറിവിന്റെയുള്ളിൽ വച്ച് തന്നെ ഒന്ന് കറക്കിയ ശേഷം ആ വാൾ പുറത്തേയ്ക്ക് വലിച്ചൂരി …..

” …………. ആ …………… ”

കലാസുരൻ വേദന കൊണ്ട് വീണ്ടും നിലവിളിച്ചു ….

വാൾ വലിച്ചൂരിയതും കാലാസുരന്റെ ഹൃദയത്തിൽ നിന്ന് രക്തം അണപൊട്ടിയ പോലെ പുറത്തേയ്ക് കുതിച്ചു ….