💞💞അവൾ രാജകുമാരി-13💞💞 [ ചെകുത്താനെ സ്നേഹിച്ച മാലാഖ ] 509

………………………….

പ്രാരംഭപൂജാധി ക്രീയകൾ പൂർത്തിയാക്കി കാലാസുരൻ കണ്ണുകൾ തുറന്നു …. അവന്തികയുടെ ശരീരത്തിൽ മറച്ച് വച്ചിരുന്ന തന്റെ ആത്മാവും ജീവനും കാലാസുരൻ തന്റെ സ്വന്തം ശരീരത്തിലേയ്ക്ക് അപ്പേഴേയ്ക്കും തിരികെ സ്വീകരിച്ച് കഴിഞ്ഞിരുന്നു …. പക്ഷെ ഈ കാര്യം ആദിത്യന് മനസ്സിലായില്ല , അവൻ വിജാരിച്ചിരുന്നത് കാലാസുരന്റെ ജീവൻ അവളുടെ ശരീരത്തിൽ തന്നെയാണെന്നും തന്നെ പരാജയപ്പെടുത്താൻ വേണ്ടി തന്റെ മരണം വരെ അങ്ങനെ തന്നെയായിരിക്കും എന്നായിരുന്നു .

പൂജാധിക്രീയകൾ പൂർത്തിയാക്കി കണ്ണുകൾ തുറന്നതും പെട്ടെന്ന് തന്റെ മുന്നിലിരിക്കുന്ന ആളെ കണ്ട് കാലാസുരൻ ഒന്ന് ഞെട്ടി …. മുഖത്തിലും ശരീരത്തിലുമെല്ലാം രക്തം പറ്റിപ്പിടിച്ച അവസ്ഥയിൽ ആദിത്യൻ കാലാസുരൻ ഇരിക്കുന്നതിന് എതിർവശത്ത് ഹോമകുണ്ഡത്തിനടുത്തായി കാലാസുരനെ തന്നെ നോക്കി ഇരിക്കുകയായിരുന്നു ആരെയും ഭയപ്പെടുത്തുന്ന പുഞ്ചിരിച്ച മുഖവുമായി ….

കാലാസുരൻ വേഗം നിലത്ത് നിന്ന് എണീറ്റ് ചുറ്റും നോക്കി … തന്റെ പോരാളികളുടെ ശവശരീരങ്ങൾ അങ്ങിങ്ങായി ചിതറി കിടക്കുന്നതാണ് അയാൾ കണ്ടത് . ആ കാഴ്ച കണ്ടതും കാലാസുരന്റെ കണ്ണുകളിൽ ദേഷ്യം നുരപൊന്തി , കണ്ണുകൾ രക്തവർണ്ണമായി ……

” ടാ……….. നീ എന്റെ ദാസരെ വധിച്ചു അല്ലേ ……. ”

അടങ്ങാനാവാത്ത ദേഷ്യത്തോടെ കാലാസുരൻ അതും പറഞ്ഞ് അലറി വിളിച്ചു കൊണ്ട് നിലത്തിരിക്കുന്ന ആദിത്യന്റെ നെഞ്ചിലേയ്ക്ക് ആഞ്ഞ് ചവിട്ടി …. കാലാസുരന്റെ ആക്രമണത്തിൽ ആദിത്യൻ പുറകിലേയ്ക്ക് തെറിച്ച് വീണു …… വീണ്ടും തലയിലെ മുറിവിൽ നിന്ന് രക്തം വാർന്നൊഴുകാൻ തുടങ്ങി …… അവൻ പതിയെ നിലത്ത് നിന്നും എണീറ്റു ……