💞💞അവൾ രാജകുമാരി-13💞💞 [ ചെകുത്താനെ സ്നേഹിച്ച മാലാഖ ] 509

അൽപം അകലെയായി നിൽക്കുന്ന ആദിത്യനെ ഒന്ന് നോക്കിയ ശേഷം അവൻ അവന്തികയുടെ അടുത്തായി നിലത്ത് മുട്ടുകുത്തി ഇരുന്നു . എന്നിട്ട് അയാൾ തന്റെ കയ്യിലുണ്ടായിരുന്ന കത്തി അവളുടെ കഴുത്തിനോട് ചേർത്ത് വച്ചു ……

ആ കാഴ്ച കണ്ടതും ആദിത്യൻ ഒന്ന് നടുങ്ങി . അവന്റെ കാലുകൾ അവൻ പോലുമറിയാതെ നിശ്ചലമായി… ഇനി എന്ത് ചെയ്യണം എന്ന് പോലും അവന് അറിയാത്ത ഒരു തരം മരവിച്ച അവസ്ഥ …..

ഉടനെ തന്നെ അതുപേലെ വസ്ത്രം ധരിച്ച നാലുപേർ കൂടെ അവന്തികയുടെ അടുത്തായി വന്ന് നിന്ന് ദൂരെ നിൽക്കുന്ന ആദിത്യനെ തന്നെ നോക്കി നിന്നു …….

അതിലൊരുവൻ ആദിത്യനോട് കയ്യിലിരിക്കുന്ന ആയുധം ദൂരേയ്ക്ക് വലിച്ചെറിയുവാൻ ആംഗ്യ ഭാഷയിലൂടെ പറഞ്ഞു ….. ഒരു കത്തിയുടെ മുന്നിൽ ജീവിതത്തിനും മരണത്തിനും ഇടയിൽ നിൽക്കുന്ന അവന്തികയെ കണ്ട അവന്റെ മനസ്സ് ആദ്യമേ തന്നെ മരിച്ച അവസ്ഥയിലായിരുന്നു …. അയാൾ ആംഗ്യം കാണിച്ചതും അവൻ കയ്യിൽ നിന്ന് ആ വാൾ ദൂരേയ്ക്ക് വലിച്ചെറിഞ്ഞു …. എന്നിട്ട് ഒന്നും ചെയ്യാനാകാത്ത നിസ്സഹായ അവസ്ഥയിൽ ആദിത്യൻ അവളെ തന്നെ നോക്കി നിന്നു …….

” ഹ…… ഹാ …….. ഹാ……… ഹ ഹാ ………ഹ…… ഹാ …….. ഹാ……… ഹ ഹാ ……… ”

ഇടിമുഴക്കം പോലുള്ള ഒരു അട്ടഹാസം നിറഞ്ഞ ചിരി കേട്ടാണ് ആദിത്യൻ ആ ശബ്ദം വന്ന ദിശയിലേയ്ക്ക് തിരിഞ്ഞ് നോക്കിയത് …. മുന്നിൽ നിൽക്കുന്ന ആ രൂപം കണ്ട് ആദിത്യൻ ഞെട്ടി , താൻ കണ്ടത് സത്യമോ …. സ്വപ്നമോ എന്നറിയാതെ