💞💞അവൾ രാജകുമാരി-13💞💞 [ ചെകുത്താനെ സ്നേഹിച്ച മാലാഖ ] 509

അതിന്റെ പ്രവർത്തിയിൽ നിന്നും അവൾ എന്തോ ആപത്തിൽ അകപ്പെട്ടു എന്ന് അവന് മനസ്സിലായി …. ആദിത്യൻ അതിവേഗം ആ മരത്തിന്റെ മുകളിൽ നിന്നും താഴേയ്ക്ക് ഇറങ്ങി . ശേഷം വഴി കാട്ടിയായി പറക്കുന്ന കഴുകന്റെ പിന്നാലെ അവൻ വേഗത്തിൽ മുന്നോട്ട് ഓടി …….

ഒടുവിൽ ആ വനത്തിന്റെ പുറത്ത് ചന്ദ്രമംഗലത്തിന്റെ അതിർത്തി പ്രദേശത്ത് അവൻ എത്തിച്ചേർന്നു ….. ആദിത്യൻ വനത്തിന് പുറത്തേയ്ക്കിറങ്ങയതും അന്ന് നടന്നതു പോലെ വീണ്ടും അവന്റെ കഴുത്തിലെ രുദ്രാക്ഷമാലയിലെ പതക്കത്തിൽ ഉറപ്പിച്ചുവച്ചിരിക്കുന്ന ആ സൂര്യകാന്തക്കല്ലിൽ നിന്ന് വേഗം താപവും പ്രകാശവും ഉൽഭവിക്കാൻ തുടങ്ങി . അതിന്റെ ചൂട് അവന്റെ നെഞ്ചിൽ മുഴുവൻ വ്യാപിച്ചു .

ആ ചൂട് അവൻ അനുഭവിച്ചറിഞ്ഞതും അവൻ കണ്ണുകൾ അടച്ച ശേഷം ആ സൂര്യകാന്തക്കല്ലിൽ മുറുക്കി പിടിച്ചു , എന്നിട്ട് വീണ്ടും മുന്നോട്ട് യാത്ര തുടർന്നു ……

***************************

ചന്ദ്രമംഗലം കൊട്ടാരം ……

” പിതാവേ ……. ”

അൽപം പരിഭ്രമത്തോടെ അഗ്നിമിത്രൻ തന്റെ പിതാവായ ആത്രേയന്റെ അറയിലേയ്ക്ക് വേഗത്തിൽ കയറി വന്നു .

” എന്താണ് പുത്രാ ? എന്താ നിനക്ക് സംഭവിച്ചത് ? എന്തുണ്ടായി ? ”

തന്റെ മകന്റെ മുഖത്തെ മാറ്റം കണ്ട് ആത്രേയൻ ചോദിച്ചു …..

” പിതാവെ ….. അവൾ , അവന്തിക … അവൾ അവളുടെ അറയിൽ ഇല്ല , കൊട്ടാരത്തിൽ എങ്ങും ഇല്ല …. നമ്മുടെ ആൾക്കാർ അവളെ ഇവിടെ നിന്ന് കടത്തി ക്കൊണ്ട് പോകുവാനായി എത്തിയപ്പോഴേയ്ക്കും അവളുടെ അറ ശൂന്യമായിരുന്നു … പിന്നെ കൊട്ടാരത്തിലെ കാവൽക്കാരെ ആരോ ആക്രമിച്ചിരിക്കുന്നു …