✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

കണ്ടാൽ തൽക്ഷണം കൊന്ന് തള്ളും അതാ ഈ നാട്ടുകാർ … രാജസേവകരായിരുന്ന ചേകവർ മനയുമായി രാജകുടുംബത്തിന് ശത്രുത ഉണ്ടാവാൻ ഇതിൽപ്പരം വേറെ കാരണം വേണ്ടല്ലോ … പക്ഷെ ആ ശത്രുത രാജകുടുംബം നേരിട്ടല്ല തീർത്തത് പതിയെപ്പതിയെ പതിയിരുന്ന് ….

അന്ന് തുടങ്ങിയതാ ഈ ചേകവർ മനയുടെ നാശം ….

ഈ കുടുംബത്തിലെ ബാക്കി അംഗങ്ങൾ ( അതായത് അവർ ഈ തറവാട്ടിലുള്ള രക്തമാ താമസം പലയിടങ്ങളിലാണ് ) ചില വർഷങ്ങൾ കൊണ്ട് ഓരോരുത്തരോരോരുത്തരായി മരണപ്പെട്ടു അല്ല കൊല്ലപ്പെട്ടു , പലതും അപകട മരണങ്ങൾ . അതൊക്കെ ചെയ്തത് രാജകുടുംബമാണെന്ന് എല്ലാവർക്കും അറിയാവുന്ന ഒരു രഹസ്യമാണ് .. അവരുടെ ബിസിനസ്സുകൾ സ്ഥലങ്ങൾ കളരി ഗുരുകുലം അങ്ങനെ എല്ലാം നഷ്ടമായി .

അവസാനം ഈ തറവാടും ശേഖരൻ തമ്പിയും മാത്രം ബാക്കിയായി …. പെട്ടെന്ന് ഒരു നാൾ അയാളും അപ്രത്യക്ഷമായി , എവിടെയെന്നോ ഇപ്പോൾ ജീവനോടെ ഉണ്ടോ എന്ന് പോലുമറിയില്ല … അന്ന് അടഞ്ഞതാ ഈ മന അതിന് ശേഷം ആരും ഇങ്ങോട്ട് വരാറില്ല ഒരു തരം ശ്മശാന ഭൂമിപോലെ ഇങ്ങനെ ഒറ്റപ്പെട്ട് കാട് പിടിച്ച് ….

മുത്തശ്ശൻ പറയുന്നത് കേട്ടിട്ടുണ്ട് ചേച്ചീടെ അമ്മ മരിച്ച ദിവസമാ ശേഖരൻ തമ്പിയെയും ഈ നാട്ടിൽ നിന്ന് കാണാതായതെന്ന് ….. ”

അവന്തിക പറഞ്ഞ് നിർത്തി …. എല്ലാം ഒരു തരം മരവിപ്പോടെ കേട്ടിരുന്ന ദക്ഷ മൗനമായിത്തന്നെയിരുന്നു ….

” ചേച്ചി പിന്നെ ഒരു രഹസ്യം കൂടിയുണ്ട് ….. ”

” എന്ത് രഹസ്യം …. ? ”

ദക്ഷ ആകാംഷയോടെ ചോദിച്ചു ….