✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

ഒപ്പം തന്റെ അച്ഛനെ നോക്കി കരയുന്ന ശ്രീദേവി അയാളെ ഒന്ന് നോക്കി നിറകണ്ണുകളോടെ …. ആ നോട്ടം കണ്ടതും ഒരു ചെറു പുഞ്ചിരിയായിരുന്നു അവന്റെ മറുപടി …

എല്ലാവരും അൽഭുതത്തോടെയാണ് അയാളെ നോക്കിയതെങ്കിലും പതിയെ അത് ഒരു തരം പരിഹാസമായി മാറി … അയാളുടെ ആ തീരുമാനം കേട്ടതും ബാക്കി ഒൻപത് കുടുംബക്കാരും പ്രത്യേകിച്ച് ജയിച്ച് നിൽക്കുന്ന കുടുംബം വിധിയെഴുതി ചേകവർ മന ആദ്യമായി തോറ്റെന്ന് ….

‘ ജയിക്കണം അത് നിനക്ക് നിഷ്പ്രയാസം സാധിക്കും ഒപ്പം ഈ അഹങ്കാരി ഇനി ജീവനോടെ കളം വിട്ടു പോകുകയുമരുത് ….. ‘

ജയിച്ച് നിൽക്കുന്ന ആ കുടുംബത്തിലെ കാരണവർ തങ്ങൾ വില കൊടുത്ത് കൊണ്ട് വന്ന അഭ്യാസിയുടെ ചെവിയിൽ പറഞ്ഞതിങ്ങനെയായിരുന്നു ….

കാണികൾ എല്ലാവരും ശാന്തരായി കളത്തിന് ചുറ്റും കൂടി മത്സരം കാണാനായി ….

വീണ്ടും മത്സരം ആരംഭിച്ചു , ഒരു വശത്ത് പതിനെട്ട് അടവും എല്ലാ ചുവടും അഭ്യസിച്ച ഒരു ശക്തനായ എതിരാളി മറുഭാഗത്ത് ഇത് വരെ നാട്ടുകാർക്കാർക്കും കണ്ട് പരിചയം പോലുമില്ലത്ത ഒരാൾ , അയാളുടെ പേര്
ഹരി നാരായണൻ

എതിരാളി ചുവടുകൾ മുന്നോട്ട് വച്ചു ഒപ്പം ഹരി നാരായണനും മത്സരം ശക്തമായി , ഒരു ദാക്ഷണ്യവുമില്ലാതെ അയാൾ ഹരി നാരായണനെ മർദ്ദിച്ചു ഒരു തരം പക പോക്കൽ പോലെ . ഹരി നാരായണൻ തിരിച്ച് നേരിടുകയും എതിർക്കുകയുമെല്ലാം ചെയ്തെങ്കിലും ഒരു പോരാളിക്ക് മുന്നിൽ പിടിച്ച് നിൽക്കാൻ അയാൾക്ക് കഴിഞ്ഞില്ല …. ഇരുവരുടെയും ശരീരത്തിൽ ചതവും മുറിവുകളും നിറഞ്ഞു ,