✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1296

” ഇവിടെ ചേകവർ മനയിൽ വേലയ്ക്ക് നിന്ന ഒരു സ്ത്രീ അമ്മയോട് പറഞ്ഞ രഹസ്യമാ , ആരോടും പറയില്ല എന്ന് ഞാൻ പറഞ്ഞപ്പോൾ അമ്മ എന്നോട് പറഞ്ഞതാ ചേച്ചി …. ”

” എന്താ അത് ? നീ പേടിക്കണ്ട ഞാൻ ആരോടും പറയില്ല …. ”

ദക്ഷ അവളോട് പറഞ്ഞു …

” അത് ചേച്ചി …. ഇവിടുന്ന് പോയ ശ്രീദേവിയെ ചില മാസങ്ങൾക്ക് ശേഷം ശേഖരൻ തമ്പി ഇവിടേയ്ക്ക് തിരികെ കൂട്ടിക്കൊണ്ട് വന്നു , ആരും അറിയാതെ ഒളിപ്പിച്ച് താമസിപ്പിച്ചു . അന്ന് അവർ പൂർണ്ണ ഗർഭിണിയായിരുന്നു … ഒരു ദിവസം അവർ ഒരു അൺകുഞ്ഞിന് ജന്മം നൽകി , പക്ഷെ പ്രസവത്തിൽ ശ്രീദേവി മരിച്ചു.

ശേഖരൻ തമ്പി ആ കുഞ്ഞിനെ കാര്യസ്ഥനെ ഏൽപ്പിച്ച് എവിടേയ്ക്കോ പറഞ്ഞ് വിട്ടു . അയാൾ തന്നെ തന്റെ മകളുടെ ശരീരം ആരും അറിയാതെ മനയ്ക്കകത്ത് തന്നെ എവിടെയോ മറവും ചെയ്തു ….

അമ്മയും ശ്രീദേവിയും നല്ല കൂട്ടുകാർ ആയിരുന്നല്ലോ ആ പരിചയത്തിലാ ആ വേലക്കാരി അമ്മയോട് ഇതൊക്കെ പറഞ്ഞ് അതും ശേഖരൻ തമ്പിയെ കാണാതായതിന് ശേഷം ….”

അവന്തിക പറഞ്ഞു …

” അപ്പൊ ഹരി നാരായണൻ …. ? ”

ദക്ഷ സംശയത്തോടെ ചോദിച്ചു …

” അതറിയില്ല ചേച്ചി … അയാളെപ്പറ്റി ഒന്നുമറിയില്ല … അയാളെപ്പറ്റി പറഞ്ഞാൽ അയാൾ തന്നെ ഒരു മിസ്ട്രിയല്ലേ .. ചേച്ചി തന്നെ ഒന്ന് ചിന്തിച്ച് നോക്കിക്കേ …. പേരല്ലാതെ അയാളെപ്പറ്റി മറ്റുള്ളവർക്ക് ഒന്നുമറിയില്ല

പെട്ടെന്ന് ഒരു നാൾ ഈ നാട്ടിൽ എത്തുന്നു അവിടുന്ന് ഇവിടേയ്ക്ക് …. ഒരു രാത്രി ശ്രീദേവിയുമായി ഒളിച്ചോടുന്നു ,
അതിന് ശേഷം നോ ഇൻഫർമേഷൻ ….