✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1295

” എന്താ ചേച്ചീ ….. ഏഹ് …. ? ”

അവന്തിക ടെൻഷനോടെ ചോദിച്ചു ….

” എന്തോ പെട്ടെന്ന് ഷോക്ക് ഏറ്റത് പോലെ …. ”

ഭയം നിറഞ്ഞ കണ്ണുകളോടെ അവൾ മറുപടി പറഞ്ഞു ….

” ഷോക്കോ … അതും തറയിൽ …. നോക്കട്ടെ … ”

അവന്തിക അതും പറഞ്ഞ് പതിയെ അകത്തേയ്ക്ക് കാൽ വച്ച് നോക്കി …….

” ഏയ് കുഴപ്പമൊന്നുമില്ല … ചേച്ചിക്ക് ചിലപ്പൊ തോന്നിയതാകും …. ഇപ്പൊ കുഴപ്പമൊന്നുമില്ലല്ലോ ല്ലേ ….. ”

അവൾ ചോദിച്ചതും ദക്ഷ കുഴപ്പമില്ല എന്ന അർത്ഥത്തിൽ തലയാട്ടി …

” ചേച്ചി വാ … ”

അവൾ അതും പറഞ്ഞ് ദക്ഷയുടെ കയ്യിൽ പിടിച്ച് അകത്തേക്ക് വിളിച്ചു … ചെറിയ ഭയത്തോടെ ഹൃദയമിടിപ്പോടെ ഭക്ഷ വീണ്ടും വലത് കാൽ അകത്തേയ്ക്ക് വച്ചു , പക്ഷെ ഇപ്പൊ കുഴപ്പമില്ല ….

” ഞാൻ പറഞ്ഞതല്ലേ …. തോന്നിയതാകുമെന്ന് … ”

അവന്തിക ഒരു പുഞ്ചിരിയോടെ പറഞ്ഞു കൊണ്ട് മുന്നിലേയ്ക്ക് നോക്കി പക്ഷെ അപ്പോഴും ദക്ഷയുടെ ഉള്ളിലെ നടുക്കം മാറിയിരുന്നില്ല …..

മനയുടെ ഉൾ ഭാഗം മുഴുവൻ പൊടിയും മാറാലയും പിടിച്ച് കിടക്കുകയായിരുന്നു …. അവർ ചുറ്റിലും നോക്കി ….

” അവന്തികേ നീ ഈ കതക് അങ്ങ് അടയ്ക്ക് പുറത്ത് നിന്ന് ആരെങ്കിലും ചിലപ്പോ കണ്ടാൽ …. ”

ദക്ഷ പറഞ്ഞതും അവന്തിക വേഗം ആ രണ്ട് പാളി കതക് ചേർത്തടച്ച ശേഷം ഉള്ളിലുള്ള തടി കൊണ്ടുള്ള താഴ് ഉപയോഗിച്ച് പൂട്ടി …..
ശേഷം ചെറിയ ഭയത്തോടെ അവർ ഇരുവരും മുന്നോട്ട് നടന്നു …. നടുമുറ്റമുള്ള തറവാടായിരുന്നതിനാൽ എങ്ങും നല്ല വേളിച്ചമുണ്ടായിരുന്നു ….