✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

” അതെങ്ങനെ അറിയും …. ? ”

ജഗന്നാഥ് സംശയത്തോടെ ചോദിച്ചു ….

” ഒറ്റ ഉത്തരം പണ്ടാരോ എഴുതി വച്ച ആ പുസ്തകം , അതവിടുന്ന് എടുക്കണം അതാണ് നിങ്ങൾ ആദ്യം ചെയ്യേണ്ടത് … വാൽനക്ഷത്രം ഉദിച്ച കാര്യം പറഞ്ഞപ്പോഴാ ആ കല്ല് ഈ നാട്ടിൽത്തന്നെ ഉണ്ടെന്ന് ഉറപ്പിച്ചത് , ഇനി ആ പുസ്തകം കൂടി ….”

രാജസേനൻ ഉടനെ പറഞ്ഞു ….

” അയ്യാ അതെവിടെയെന്ന് പറഞ്ഞാൽ മതി എവിടെയാണെങ്കിലും അത് അങ്ങയുടെ കയ്യിൽ ഞങ്ങൾ എത്തിച്ചിരിക്കും … ”

ജഗന്നാഥ് വാശിയോടെ മറുപടി പറഞ്ഞു ….

” ഹ …. ഹ …. നല്ല വീമ്പ് പറച്ചിൽ …. അങ്ങനെയെങ്കിൽ പോ … ചേകവർ മനയുടെ നിലവറയ്ക്കുള്ളിലുണ്ടാകുമത് പോയി എടുത്തോണ്ട് വാ …. ”

പാർത്ഥൻ ഉടനെ വിളിച്ച് പറഞ്ഞു , അത് കേട്ടതും ജഗന്നാഥും ജഗദേവും ഒരുപോലെ പരുങ്ങി … അവരുടെ തൊണ്ട വരണ്ടത് പോലെ മുഖത്താകമാനം ഒരു തരം ഭയം …

” എന്താ പേടി തോന്നുന്നുണ്ടോ …. പേടിക്കും പേടിക്കണം .. അവകാശമില്ലാത്തവർ ആ മനയ്ക്കകത്ത് കാല് കുത്തിയാൽ പിന്നെ ജീവനോടെ തിരിച്ച് വരില്ലല്ലോ അല്ലേ … അതുകൊണ്ടല്ലേ രാജകുടുംബത്തിന് പോലും ശത്രുത ഉണ്ടായിരുന്നിട്ടും ആ മന ഇപ്പോഴും നശിക്കാതെ നിൽക്കുന്നത് ….. നാല് ചുറ്റുമുള്ള അപകടം തരണം ചെയ്ത് നിലവറയ്ക്കകത്ത് കടന്നാലും ഉള്ളിലെ കാവൽ സർപ്പം സമ്മതിക്കുമോ അത് കൈ കൊണ്ട് തൊടാനെങ്കിലും …. ”

പാർത്ഥൻ പറഞ്ഞ് നിർത്തി ….