✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

 

 

” സമ്മതിക്കുന്നു ഞങ്ങൾക്ക് പോകാൻ കഴിയില്ല , പക്ഷെ അതിന് കഴിവുള്ള ആളുണ്ട് എന്റെ പക്കൽ . ട്രെയിൻഡ് ആയിട്ടുള്ള ഒരാൾ , മൈ ഫ്രണ്ട് അർഷിത് റാം , അവന്റെ ഫ്ലൈറ്റ് ഇവിടെ ലാന്റ് ചെയ്യേണ്ട ടൈം ഞാൻ അത് മാത്രമേ ചോദിക്കുന്നുള്ളൂ
ഇനി ആ പുസ്തകവുമായി വരുമ്പോൾ കാണാം അയ്യാ … എന്ത് വില കൊടുത്തും അങ്ങേയ്ക്ക് വേണ്ടി ഞങ്ങളത് ചെയ്യും .”

ജഗദേവ് ആത്മവിശ്വാസത്തോടെ പറഞ്ഞു കൊണ്ട് തന്റെ ചേട്ടനെയും കൂട്ടി അവിടുന്ന് ഇറങ്ങി …..

 

                    ……………………..

 

നന്ദാവനം മന …..

 

തന്റെ ടൂവീലർ പോർച്ചിനടുത്തായി നിർത്തിയതും ദക്ഷ ഇറങ്ങി , പുറകെ അവന്തികയും ….

 

” രാവിലെ തന്നെ എവിടെ ഊര് തെണ്ടാൻ പോയതാ രണ്ട് പേരും കൂടി …. ”

പുറത്തേയ്ക്ക് വന്ന വരുൺ അവരെ കണ്ടതും ഉടനെ ചോദിച്ചു …

 

” നീ പോടാ ….. ഊര് തെണ്ടി നീയാ …. ”

അവന്തിക ഉടനെ മറുപടി പറഞ്ഞു ….

 

” ടീ …. എന്നെ എടാന്നാ …. ”

 

” ചേട്ടാ കൈ വിട് കൈ വിട് ….. പ്ലീസ് …. പ്ലീസ് …. ”

വരുൺ അവളുടെ കൈ പിടിച്ച് പുറകിലേക്ക് തിരിച്ചതും അവൾ വേദനയോടെ പറഞ്ഞു ….

 

” ഇനി എന്നെ എടാന്ന് വിളിക്കോ ….. ”

 

” ഇല്ല … ഇല്ല …. വിളിക്കൂല .. ആദ്യം കൈ വിട്…. ”

അവൾ പറഞ്ഞതും അവൻ അവളുടെ കയ്യിലെ പിടിത്തം വിട്ടു ….

 

” പിന്നെ ചെറിയച്ഛൻ എത്തിയിട്ടുണ്ടേ .. ”

 

” ഹാ എത്തിയാ ……”

 

” മ് , ഞാൻ ഒന്ന് പുറത്ത് പോകുവാ … ”

വരുൺ അതും പറഞ്ഞ് പടികളിറങ്ങി , ഇതൊക്കെ പുഞ്ചിരിയോടെ നോക്കി നിന്ന ദക്ഷ അവളുടെ പുറകേ അകത്തേയ്ക്ക് കയറി ….

 

” ടാ …… പോടാ …. ഊര് തെണ്ടി ”