✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

അവന്തിക പറഞ്ഞതും അവർ രണ്ട് പേരും മുന്നോട്ട് നടന്നു … മറ്റൊരു ഇടനാഴിയിലൂടെ അവർ മുന്നോട്ട് പോയി …. അത് ചെന്ന് അവസാനിക്കുന്നത് മറ്റൊരു സ്ഥലത്താണ് , രണ്ട് വശത്തും മുറികൾ , ഊട്ട് പുര അങ്ങനെ ….

മുന്നോട്ട് നടക്കുന്നതിനിടയിലാണ് ദക്ഷ ചുവരിൽ വച്ചിരിക്കുന്ന ചില പഴയ ചിത്രങ്ങൾ കണ്ടത് … അത് കണ്ടതും അവൾ നടത്തം നിർത്തിയ ശേഷം നോട്ടം അതിലേക്ക് തിരിച്ചു ….

തിരിഞ്ഞ് നോക്കിയ അവൾ അവിടെ കിടന്ന ഒരു പഴയ തുണിക്കഷ്ണം കയ്യിലെടുത്ത് അതുകൊണ്ട് ആദ്യത്തെ ഫോട്ടോയിലെ പൊടിയും മാറാലയും തുടയ്ച്ച് മാറ്റി …..

” ഇതാണ് ചേച്ചി ഞാൻ പറഞ്ഞ കഥയിലെ നായിക ശ്രീദേവി …. ”

ആ ചില്ല് ഫേട്ടോയിലേക്ക് മിഴി ചിമ്മാതെ നോക്കി നിൽക്കുന്ന ദക്ഷയെ കണ്ടതും അവന്തിക പറഞ്ഞു …

” നീ പറഞ്ഞത് ശരിയാ …. സുന്ദരിയാ … സോ ബ്യൂട്ടിഫുൾ … അല്ല നിനക്കെങ്ങനെ അറിയാം … ? ”

ദക്ഷ സംശയത്തോടെ ചോദിച്ചു ….

” അമ്മയുടെ കയ്യിൽ ഇവരുടെയൊക്കെ ഫോട്ടോ ഇപ്പോഴുമുണ്ട് എനിക്കത് കാണിച്ച് തന്നിട്ടുമുണ്ട് അങ്ങനെ അറിയാം …. ”

അന്തിക ഉടനെ പറഞ്ഞു …

അൽപ്പനേരം കൂടി അതിലേയ്ക്ക് നോക്കി നിന്ന ശേഷം ദക്ഷ മറ്റൊരു വലിയ ഫോട്ടോയിലെ പൊടി തുടയ്ച്ച് മാറ്റി … അതൊരു ഫാമിലി ഫോട്ടോ ആയിരുന്നു …..

” ചേച്ചി ഇതാണ് ശേഖരൻ തമ്പി …. ”

അവന്തിക ഉടനെ ചൂണ്ടിക്കാണിച്ചു കൊണ്ട് പറഞ്ഞു…. ദക്ഷ അതിൽ ഓരോരുത്തരുടെ മുഖങ്ങളിലേക്കും നോക്കി ….

പെട്ടെന്ന് ….

അതിൽ ഒരാളുടെ മുഖം കണ്ടതും അവൾ അതിലേയ്ക്ക് സൂക്ഷിച്ച് നോക്കി …..