✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

 

 

അവൻ പുറത്തേക്കിറങ്ങിയതും അവന്തിക പുറകേ നീട്ടി വിളിച്ചു .

 

” …. ടീ ….. ഇന്ന് ഞാൻ …. ”

 

” ഹെന്റമ്മേ … ഓടിക്കോ … ”

അവന്തിക അതും പറഞ്ഞ് അകത്തേയ്ക്ക് ഓടി …. ചിരിച്ചു കൊണ്ട് പുറകെ ദക്ഷയും

 

” ചേച്ചീ… വാ …. ”

അവന്തിക അവളെയും കൂട്ടി ഒരു മുറിയിലേക്ക് നടന്നു …

 

” ചെറിയച്ഛാ ….. ”

 

” ആഹാ ചെറിയച്ഛന്റെ മോള് എത്തിയോ …. ”

അയാളതും പറഞ്ഞ് അവളുടെ തലയിലൂടെ ഒന്ന് തലോടി …

 

” എന്താ ദക്ഷ മോളെ നോക്കി നിൽക്കുന്നേ …. ഞാൻ മോളുടെ ഇളയ അമ്മാവനാ മഹേന്ദ്രൻ … മോള് ഇങ്ങ് വാ … ”

അയാൾ വിളിച്ചതും അവൾ ഒരു പുഞ്ചിരിയോടെ മുന്നോട്ട് നടന്നു …

 

” എ സ്മാൾ ഗിഫ്റ്റ് ഫോർ യു ….. ”

അയാളതും പറഞ്ഞ് ഒരു ബോക്സ് അവൾക്ക് നേരെ നീട്ടി അവളത് രണ്ട് കൈ കൊണ്ടും വാങ്ങി …

 

” എന്താ അമ്മാവാ ഇത് …. ? ”

ഭക്ഷ ഒരു പുഞ്ചിരിയോടെ ചോദിച്ചു …

 

” മോൾക്ക് പഠിക്കാനും മറ്റും വേണ്ടി ഒരു ലാപ് ടോപ്പ് ….. ”

മഹേന്ദ്രൻ ഉടനെ മറുപട പറഞ്ഞു ….

 

” ആഹാ കോളടിച്ചല്ലോ … അല്ല ബിസിനസ് ടൂറിന് പോയിട്ട് എനിക്കൊന്നും കൊണ്ട് വന്നില്ലേ … ? ”

അവന്തിക ഉടനെ ചോദിച്ചു …

 

” നിനക്ക് പറ്റിയതൊന്നും അവിടെ കണ്ടില്ല , എന്നാലും നീ ചോദിച്ച നോവൽ തേടിപ്പിടിച്ച് കൊണ്ട് വന്നിട്ടുണ്ട് …. ”

 

” താങ്ക്സ് ചെറിയച്ഛാ …. ”

അവളത് വാങ്ങിക്കൊണ്ട് പറഞ്ഞു ….