✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

അതൊക്കെ പോട്ടെ ….. , ചേച്ചി എന്റെ ഉള്ളിൽ തോന്നുന്ന സംശയം വേറെ ഒന്നാ . ഇന്നലെ മുതലേ തോന്നുന്നതാ ….

ദാ ഈ താക്കോൽ കൂട്ടം കണ്ടില്ലേ …. ശേഖരൻ തമ്പിയുടെ കയ്യിൽ ഉണ്ടായിരുന്നതാകണം ഇത് , അതിനേ സാധ്യതയുള്ളൂ …. അന്ന് അയാളെ കാണാതായ അന്ന് പൂട്ടപ്പെട്ടതാ ഈ മന . അങ്ങനെയെങ്കിൽ ശേഖരൻ തമ്പിയുടെ കയ്യിലിരുന്ന ഈ താക്കോൽ കൂട്ടം എങ്ങനെ ഇന്നലെ ക്ഷേത്രത്തിൽ വച്ച് തല്ലുണ്ടാക്കിയ ആ അജ്ഞാതന്റെ കയ്യിൽ എത്തണം … ഇനി ചിലപ്പൊ അയാളായിരിക്കുമോ അന്ന് പിറന്ന ആ കുഞ്ഞ്, ശ്രീദേവിയുടെ മകൻ …. ”

അവന്തിക പറഞ്ഞത് കേട്ടതും ദക്ഷയുടെ ഉള്ളിലൂടെ ഒരു നടുക്കം കടന്ന് പോയി ….

‘ ആദിത്യനാഥ് – വിശ്വനാഥിന്റെയും ജയലക്ഷ്മിയുടെയും മകൻ …. അയാൾ അവരുടെ മകനല്ലേ . അവരുടെയൊക്കെ കൊലപാതകങ്ങൾക്ക് അയാൾ പകരം വീട്ടിയതല്ലേ ….

പക്ഷെ എന്നാലും ഈ താക്കോൽ കൂട്ടം അയാളുടെ കയ്യിൽ എങ്ങനെയാ …
അമ്മായി പറഞ്ഞിരുന്നു ചേകവർ മനയിലെ ചേകവരുടെ വീറും വാശിയും ചിന്തിക്കുന്നതിനുമപ്പുറമായിരിക്കുമെന്ന് , നാട് മുഴുവൻ ഞെട്ടിച്ച ആ അജ്ഞാതനായ കൊലയാളിയും അങ്ങനെയായിരുന്നില്ലേ , അതായത് ആദിത്യനാഥ് …. ഇന്നലെ ക്ഷേത്രത്തിൽ വച്ച് അങ്ങനെ നടന്നപ്പൊ അമ്മായിക്ക് സാമ്യത തോന്നിയത് ശേഖരൻ തമ്പിയെയാണോ അതോ ഹരി നാരായണനെയോ

അങ്ങനെയെങ്കിൽ ഏതാ സത്യം ആദിക്ക് ഈ കുടുംബവുമായി എന്താ ബന്ധം …. ‘

” ചേച്ചി …. ചേച്ചി ഇതേത് ലോകത്താ …. ? ”

അവന്തിക ദക്ഷയെ കുലുക്കി വിളിച്ചു കൊണ്ട് ചോദിച്ചു …. അപ്പോഴാണവൾ ചിന്തയിൽ നിന്നുണർന്നതും …