✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

ശ്രീദേവിയുടെ കണ്ണുനീർ കണ്ട് അവൻ കെെ ഉയർത്തിയതും മത്സരിച്ചതും ജയിച്ചതുമെല്ലാം ഒരു നിമിത്തമായിരുന്നു , വരാനിരിക്കുന്ന പലതിന്റെയും നിമിത്തം …

അങ്ങനെ ഹരി നാരായണന്റെയും ശ്രീദേവിയുടെയും പ്രണയം വളർന്നു …. പക്ഷെ ഒരു കാര്യം എല്ലാക്കാലവും ഒളുപ്പിച്ച് വയ്ക്കാൻ കഴിയില്ലല്ലോ ? ഒരു നാൾ അത് മറ നീക്കി പുറത്തു വരിക തന്നെ ചെയ്യും . അങ്ങന ഒരു നാൾ അവരുടെ പ്രണയം പുറം ലോകം അറിഞ്ഞു … വൈകുണ്ഡ പുരി മുഴുവൻ അത് പാട്ടായി .

അന്നം തന്ന കൈക്ക് തന്നെ തിരിഞ്ഞ് കൊത്തിയെന്ന പകയോടെ ശേഖരൻ തമ്പി ഹരി നാരായണനെ അവിടുന്ന് അടിച്ചിറക്കി …. ഒരു നാൾ തന്റെ കുടുംബത്തിന്റെ മാനവും അന്തസ്സും അഭിമാനവും കളങ്കപെടാതെ കാത്ത് സൂക്ഷിച്ചവനാണ് എന്ന ഒറ്റ കാരണത്താൽ അവനെ അയാൾ അന്ന് കൊന്നില്ലെന്ന് മാത്രം … മറുത്തൊരു വാക്ക് പോലും പറയാതെ അയാളെ കീഴ്പ്പെടുത്താൻ കഴിയുമായിരുന്നിട്ടും അതിന് മുതിരാതെ ഹരി അന്ന് അവിടുന്ന് ഇറങ്ങി , മനസ്സിൽ പലതും ഉറപ്പിച്ചു കൊണ്ട് .

പക്ഷെ അന്ന് ആർക്കുമറിയില്ലായിരുന്നു ശ്രീദേവിയുടെ വയറ്റിൽ അവന്റെ കുഞ്ഞ് വളരുന്നുണ്ടെന്ന കാര്യം …

ശ്രീദേവിയെ പ്രാണനേക്കാൾ ഏറെ ഭ്രാന്തമായി സ്നേഹിച്ച ദേവരാജിനെ മാനസ്സികമായി ഏറെ തളർത്തിയ വാർത്തയായിരുന്നു അത് , അവൾ മറ്റൊരാളുമാമായി ഇഷ്ടത്തിലാണെന്ന വാർത്ത … അവന്റെ ഉള്ളിലെ ആ പ്രണയം അത് പെട്ടെന്ന് തന്നെ ഒരു തരം പകയും പ്രതികാരവുമായി മാറി . വീറും വാശിയും ദേഷ്യവും കൂടുതലുള്ള ദേവരാജിന് തന്റെ ഉള്ളിലെ ദേഷ്യം പിടിച്ച് നിർത്താൻ കഴിഞ്ഞില്ല .