✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

” ചിലപ്പൊ ഇതിലേതിലെങ്കിലും കാണും ഞാൻ അന്വേഷിച്ച് വന്ന ആ പുസ്തകം …. ”

അവന്തിക സന്തോഷത്തോടെ പറഞ്ഞ ശേഷം അതിനടുത്തേയ്ക്ക് നീങ്ങാൻ തുടങ്ങിയതും …

പെട്ടെന്ന് …

ശ് …… ശു ……… ശ് ശ് ………… ശ് …… ശൂ ……

ഒരു ശബ്ദം കേട്ടതും മുന്നോട്ട് പോകാൻ തുനിഞ്ഞ അവന്തികയുടെ കയ്യിലേക്ക് ദക്ഷ വേഗത്തിൽ കയറിപ്പിടിച്ചു …. ഉടനെ അവൾ ദക്ഷയുടെ മുഖത്തേയ്ക്ക് നോക്കി ,

” എന്താ ചേച്ചീ …. ? ”

” ഒരു ശബ്ദം …. നീ അത് കേട്ടില്ലേ …. ”

ദക്ഷ അതും പറഞ്ഞു മുന്നോട്ട് നോക്കി …

അപ്പോഴാണ് അവർ കണ്ടത് ആ പെട്ടികൾക്കിടയിൽ നിന്ന് ഒരു വലിയ സർപ്പം പുറത്തേയ്ക്ക് ഇഴഞ്ഞ് വന്നു , ശേഷം അത് മുന്നിലെ ഒരു പെട്ടിയുടെ പുറത്തായി ഫണം വിടർത്തി ഉയർന്ന് നിന്നു ….

ആ കാഴ്ച കണ്ടതും രണ്ട് പേരും ഒരുപോലെ ഞെട്ടി … ദക്ഷയാകട്ടെ ഒരു അൽഭുതം പോലെ ആ നാഗത്തെ തന്നെ നോക്കി നിന്നു ….

‘ അതെ ഈ പാമ്പ് തന്നെയാ എന്നെ അന്ന് കൊല്ലാൻ ശ്രമിച്ചതും സ്വപ്നത്തിൽ വന്ന് എന്നെ ഭയപ്പെടുത്തിയതും … ‘

ദക്ഷ സ്വയം മനസ്സിൽ പറഞ്ഞു …

” അവന്തികേ …. ഈ … ഈ സർപ്പമാ അന്ന് എന്നെ ആ നദിക്കരയിൽ വച്ച് ദംശിക്കാൻ ശ്രമിച്ചത് … ”

അവളൊരു ഞെട്ടലോടെ പറഞ്ഞു …

” അതെങ്ങനെയാ ചേച്ചി … അതിവിടെ നിന്ന് ഒത്തിരി ദൂരെയല്ലേ …. അത് ഇതുപോലത്തെ വേറെ സർപ്പമായിരിക്കും … എനിക്ക് പേടി തോന്നുവാ … വാ നമുക്ക് പോവാം …. ”

അവന്തിക ഭയത്തോടെ പറഞ്ഞു കൊണ്ട് പുറകോട്ട് പോകാൻ ശ്രമിച്ചു ….