✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

നാട് മുഴുവൻ ഉത്സവ ആരവത്തിൽ മതിമറന്ന് ലയിച്ച ദിവസങ്ങൾ , ആഘോഷ പരിപാടികളോടെ പത്ത് ദിവസം പിന്നിട്ട് പത്ത് കുടുംബക്കാരും ഘോഷയാത്രയായി ഒടുവിൽ വിഷ്ണു നാരായണ ക്ഷേത്രത്തിൽ എത്തി , അടുത്ത ദിവസം മുതൽ മത്സരത്തിന്റെ ആരംഭം ….. ”

” ഹോ ത്രില്ലടിച്ചിട്ട് വയ്യ ….. …. ഹോ ബാക്കി പറ …. ”

ദക്ഷ സന്തോഷത്തോടെ പറഞ്ഞു …..

” അങ്ങനെ പതിനൊന്നാം ദിവസം ….. ഒരുമിച്ചും അല്ലാതെയുമുള്ള ( 2 പേർവീതം ) വിവിധ മത്സരങ്ങൾ ….. ബാക്കി ഒൻപത് കുടുംബക്കാരും അവരവർ മോഹവില കൊടുത്ത് കൊണ്ടുവന്ന വീരന്മാരെ കളത്തിലിറക്കി മത്സരത്തിനായി , പക്ഷെ നാട്ടുകാരെല്ലാം അക്ഷമരായി കാത്ത് നിന്നത് ചേകവർ ഇല്ലാത്ത ചേകവർ മനയിൽ നിന്ന് ആരാണ് ഇപ്രാവശ്യം മത്സരത്തിനായി എത്തുക എന്നായിരുന്നു ….

നാട്ടുകാരെയും ആ ഒൻപത് കുടുംബങ്ങളെയും അക്ഷരാർത്ഥത്തിൽ ഞെട്ടിച്ചു കൊണ്ട് ചേകവർ മനയിലെ ശേഖരൻ തമ്പി അന്ന് കളത്തിലിറങ്ങി …. ആ സമയം പുള്ളിക്ക് ഒരു നാല്പത്തഞ്ച് അൻപത് വയസ്സ് പ്രായം വരും , അയാൾക്ക് എതിരെ നിൽക്കുന്നത് ഇരുപത്തഞ്ച് മുപ്പത് വയസ്സിന് താഴെയുള്ള യുവാക്കളും .

ആ ഒൻപത് കുടുംബക്കാരും ഒന്ന് ആശ്വസിച്ചു , ഈ വയസ്സ് ചെന്നവൻ വന്നിട്ട് ഒന്നും സംഭവിക്കാൻ പോകുന്നില്ല എന്ന് , ഇനി ജയം ഈ ഒൻപത് കുടുംബങ്ങളിൽ ആർക്ക് അതായി ചർച്ച …..

മത്സരം തുടങ്ങി …. കാണികളെയും നാട്ടുപ്രമാണികളെയും എന്തിന് ഏറെ പറയുന്നു രാജകുടുംബത്തെപ്പോലും ഞെട്ടിച്ചു കൊണ്ട് ശേഖരൻ തമ്പി തന്റെ എതിരാളികളെ കീഴ്പ്പെടുത്തി മുന്നേറി …. ഒരു നാൽപ്പത്തെട്ട് കാരന്റെ ശരീരവും ഇരുപത്തഞ്ചുകാരന്റെ കരുത്തും അതായിരുന്നു അയാൾ .