✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1295

അവന്തിക പറഞ്ഞതും ദക്ഷ അവളുടെ അടുത്തായി മുട്ട് കുത്തി ഇരുന്നു ശേഷം ആ പെട്ടി തിരിച്ചും മറിച്ചും നോക്കി ……

” അവന്തികേ … ആ ലോക്കറ്റ് ഇങ്ങ് എടുത്തേ … ”

ദക്ഷ പറഞ്ഞതും അവൾ ബാഗിൽ നിന്ന് ആ ലോക്കറ്റ് എടുത്ത് നീട്ടി … ദക്ഷ അത് വാങ്ങിയ ശേഷം ആ പെട്ടിയുടെ മുന്നിലെ ആ കുതിരയുടെ പോലെ യുള്ള ഭാഗത്ത് ആ ലോക്കറ്റ് വച്ച ശേഷം ഒന്ന് താഴ്ത്തി ….

…… ക്ട് ക് … ഒരു ശബ്ദത്തോടെ ആ ലോക്കറ്റ് ഉള്ളിലേക്ക് കയറി ഒപ്പം ആ പെട്ടിയും തുറന്നു … അവന്തിക വേഗം തന്നെ ആ പെട്ടി തുറന്ന് നോക്കി അതിനുള്ളിലെ ആ പട്ട് തുണി മാറ്റിയതും അവളുടെ കണ്ണുകൾ വിടർന്നു മുഖത്ത് സന്തോഷം നിറഞ്ഞു ….

” യെസ്… ഫൈനലി വീ ഫൈൻഡ് ഇറ്റ് …. ”

അവന്തിക അതും പറഞ്ഞ് അതനുള്ളിലിരുന്ന ആ പുസ്തകം കയ്യിലെടുത്തു , അപ്പോഴേക്കും ആ പെട്ടിയിൽ കയറിയ ആ ലോക്കറ്റും നിലത്തേയ്ക്ക് വീണു , അവൾ വേഗമതെടുത്ത് ബാഗിലിട്ടു …

” ചേച്ചി … ഇതാ …. ഇതാ ഞാൻ തേടി വന്നത് … നോക്കിക്കേ …. ”

അവൾ സന്തോഷത്തോടെ പറഞ്ഞതും ദക്ഷ ഒരു പുഞ്ചിരിയോടെ അതിലേയ്ക്ക് നോക്കി , നൂറ്റാണ്ടുകൾ പഴക്കം തോന്നിക്കുന്ന പുസ്തകം പക്ഷെ കേടുപാടുകൾ ഒന്നും തന്നെ സംഭവിച്ചിട്ടില്ല …

” വാ ചേച്ചി നമുക്ക് വേഗം പോവാം … ഇതിനുള്ളിലെന്താണെന്ന് എനിക്കറിയണം …. ”

അവന്തിക അതും പറഞ്ഞ് ആ പുസ്തകം ബാഗിലേയ്ക്ക് വച്ചു …

” അവന്തികേ ഇനിയും ഒരുപെട്ടി കൂടിയുണ്ട് തുറന്ന് നോക്കിയാലോ …. ”

ദക്ഷ അവളോട് ചോദിച്ചു ….