✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

” ആദ്യം …. പ്രൊഫസ്സർ ലക്ഷ്മൺ , പുള്ളി ഈ നാട്ടിൽ നിന്ന് എപ്പൊ മടങ്ങുമെന്നറിയില്ല അതുകൊണ്ട് നിന്റെ മനസ്സിന്റെ ഭാരം കുറയ്ക്കാനുള്ള വഴി ആദ്യം അതിന് ശേഷം നമുക്ക് ആളിനെ കണ്ട് പിടിക്കാം …. വൈകിക്കണ്ട നമുക്ക് ഇന്ന് തന്നെ പോയി പുള്ളിക്കാരനെ കാണാം നീ റെഡിയാവ് , ഞാനും ഒന്ന് ഫ്രഷാവട്ടെ ….. ”

രുദ്രൻ പറഞ്ഞ ശേഷം തന്റെ റൂമിലേയ്ക്ക് പോയി ആദി അവന്റെ റൂമിലേയ്ക്കും …..

                    ……………………..

ഇതേ സമയം വൈകുണ്ഡ പുരി കൊട്ടാരത്തിൽ നിന്ന് കുറച്ച് മാറി ഒരു പഴയ ബംഗ്ലാവിന്റെ മുന്നിൽ …..

ആ ബംഗ്ലാവിന് മുന്നിലായി ഒരു കാർ വന്ന് നിന്നു , അതിന്റെ ഡ്രൈവിങ് സീറ്റിൽ നിന്ന് ജഗന്നാഥും അടുത്ത സീറ്റിൽ നിന്ന് ജഗദേവും പുറത്തേയ്ക്കിറങ്ങി …

” കൊച്ച് തമ്പുരാൻ ….. ”

” ഉള്ളിലുണ്ട് നിങ്ങളെ പ്രതീക്ഷിച്ചിരിക്കുകയാ ഉള്ളിലേയ്ക്ക് പോ …… ”

ജഗന്നാഥ് പുറത്ത് നിന്ന ഒരാളോട് ചോദിച്ചതും അയാൾ മറുപടി പറഞ്ഞു … അത് കേട്ടതും അവർ രണ്ട് പേരും അകത്തേയ്ക്ക് കയറിയ ശേഷം മുകളിലേക്കുള്ള സ്റ്റെപ്പ് കയറാൻ തുടങ്ങി …..

” ആഹ് …. ജഗന്നാഥ് വരണം ….. തനിക്കെന്താടോ പറ്റിയത് കഴുത്തിൽ ബെൽറ്റൊക്കെ …. ”

അവരെ കണ്ടതും രാജസേനൻ കാര്യം തിരക്കി …

” അത് അയ്യാ …. ഇന്നലെ ചെറിയ ഒരു പ്രശ്നം അതിനിടയിൽ പറ്റിയതാ …. ”

ജഗന്നാഥ് ഉടനെ മറുപടി പറഞ്ഞു …

” ജഗന്നാഥിന്റെ അനുജൻ ജഗദേവിനെ തല്ലാനും മാത്രം ആർക്കാ ഈ നാട്ടിൽ ദൈര്യം …. ”

അയാൾ ശബ്ദം കടുപ്പിച്ച് ചോദിച്ചു …