✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

” ശരി തമ്പ്രാ ….. വൈകുണ്ഡ പുരി , നിരവധി കെട്ടുകഥകൾ നിറഞ്ഞ നാട് … പക്ഷെ അതൊന്നും കെട്ടുകഥകളല്ല പച്ചയായ സത്യം . ഈ നാട്ടിൽ ഏറ്റുവും മൂല്യമുള്ളത് എന്തെന്ന് ചോദിച്ചാൽ ആരും പറയും വൈകുണ്ഡ പുരി കൊട്ടാരമെന്ന് അതിനുള്ളിലെ വിലമതിക്കാത്ത സ്വർണ്ണ രത്നങ്ങളെന്ന് ….

എന്നാൽ തെറ്റി …. ലോകത്തിലെ തന്നെ വിലമതിക്കാൻ കഴിയാത്ത ഒന്നുള്ള നാടാ ഇത് അതാർക്കും അറിയില്ല …. അതാണ്
ഇന്ദ്രജാലക്കല്ല് ….. ”

അയാൾ പറഞ്ഞത് കേട്ടതും ജഗന്നാഥും ജഗദേവും പരസ്പരം നോക്കി …

” അതെന്താ സാധനം . അതിപ്പൊ എവിടെയാ … ? ”

ജഗന്നാഥ് ഉടനെ ചോദിച്ചു ….

” ഇന്ദ്രജാലക്കല്ലോ … ഹ ….. ഹ ….. അത് കൈവശമാക്കിയാൽ അവൻ ഭൂമി കൈപ്പിടിയിലാക്കിയതിന് തുല്യം …. പക്ഷെ അതെവിടെ എന്ന് അറിയില്ല ….. എന്തായാലും അതിപ്പോ വൈകുണ്ഡ പുരിക്കുള്ളിൽ തന്നെയുണ്ട് അതിന്റെ സൂചന ഇന്നലെ എനിക്ക് ലഭിച്ചു , ഇന്നലെ പൂർണ്ണ ചന്ദ്ര ദിവസത്തിൽ ആ നിലാവിൽ ആകാശത്ത് തെളിഞ്ഞ വാൽനക്ഷത്രം ….. ആ കല്ലിന്റെ പ്രഭാവം പൂർണ്ണ ചന്ദ്രനെ അഭിമുഖീകരിക്കുമ്പോൾ മാത്രമേ ആ വാൽ നക്ഷത്രം ആകാശത്ത് ദൃശ്യമാകുകയുള്ളൂ …. ”

പാർത്ഥൻ പറഞ്ഞു …

” അതിനർത്ഥം ആ കല്ല് ഭൂമിക്ക് പുറത്ത് കാണാൻ കഴിയന്ന വിധത്തിൽ ഉണ്ടെന്നല്ലേ … ? ”

ജഗദേവ് സംശയത്തോടെ ചോദിച്ചു .

” അങ്ങനെ ഉറപ്പിച്ച് പറയാൻ കഴിയില്ല . ചന്ദ്രനെ അത് അഭിമുഖീകരിച്ചു എന്നത് സത്യം തന്നെ പക്ഷെ അതിപ്പൊ ഏത് രൂപത്തിലെന്നറിയുക അസാധ്യം അതിന് ആ പഴയ കാല കഥ അറിയണം ആ ഇന്ദ്രജാലക്കല്ല് വൈകുണ്ഡ പുരിയിൽ എത്തിയ കഥ …. ”