✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

” ഏയ് ഒന്നുമില്ല …. എന്തൊക്കെയോ ചിന്തിച്ച് കാട് കയറി …. അല്ല നീ എന്തിനാ ഇങ്ങോട്ട് വന്നത് … ? ”

ദക്ഷ അവളോട് ചോദിച്ചു ….

” ശ്ശോ ഞാനത് മറന്നു ….. ഇതാ കുഴപ്പം കഥ പറഞ്ഞു തുടങ്ങിയാൽ പിന്നെ പാടാ… വാ നമുക്കാ പുസ്തകം തിരയാം …. ”

അവന്തിക അതും പറഞ്ഞ് വേഗം എണീറ്റു ….

” അതിന് ഇത്രയും വലിയ തറവാട്ടിൽ ആ പുസ്തകം എവിടെ എന്ന് വച്ച് തിരയാനാ … അങ്ങനെ തിരയാൻ നിന്നാൽ ഈ ദിവസം പോരാതെ വരും … ”

ദക്ഷ ഉടനെ പറഞ്ഞു …

” അതിന് ഒരു വഴിയുണ്ട് ചേച്ചി … ആ പുസ്തകം ഒരിടത്തേ സൂക്ഷിക്കൂ , നിലവറയ്ക്കുള്ളിൽ അതുറപ്പാ …. താഴത്തെ നിലയിൽ എവിടെയെങ്കിലും നിലവറയിലേക്കുള്ള വഴി കാണും അത് കണ്ടുപിടിക്കാനാ പാട് , അത് കണ്ട് പിടിച്ച് കഴിഞ്ഞാൽ ബാക്കി എളുപ്പമായിരിക്കും ….. ”

” അതെവിടെയെന്ന് എങ്ങനെ കണ്ട് പിടിക്കും …. ? ”
ദക്ഷ ഉടനെ ചോദിച്ചു ….

” അതിപ്പൊ ….. ആഹ് … മുത്തശ്ശൻ ഇടയ്ക്ക് പറഞ്ഞിരുന്നു വലിയ തറവാടിനുള്ളിലെ നിലവറയൊക്കെ ആ വീടിന്റെ വടക്ക് ഭാഗത്തായിരിക്കുമെന്ന് , നമ്മുടെ തറവാട്ടിലും അങ്ങനെയാ … ”

അവന്തിക മറുപടി പറഞ്ഞു …

” നമ്മുടെ തറവാട്ടിലും നിലവറയുണ്ടോ …? ഞാനിതുവരെ കണ്ടിട്ടില്ലല്ലോ … അവന്തിക അതിനുള്ളിൽ പോയിട്ടുണ്ടോ ? ”

ദക്ഷ സംശയത്തോടെ ചോദിച്ചു …

” അങ്ങനെ എല്ലാവർക്കും പോകാൻ പറ്റില്ല ചേച്ചീ … തറവാട്ടിലെ കാരണവസ്ഥാനക്കാരന് മാത്രമേ നിലവറയിലേക്ക് പോകാൻ പറ്റൂ …. വാ ചേച്ചി നമുക്ക് ഈ ഭാഗത്ത് നോക്കാം …. ”