✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1296

അങ്ങനെയിരിക്കെയാണ് വൈകുണ്ഡ പുരിയിൽ ഉത്സവം കൊടിയേറിയത് ….. ഈ നാട്ടിലെ ഉത്സവം എന്നാൽ നാടു ഒട്ടുക്കെ സന്തോഷത്തിലും തിരക്കുകളിലും ഏർപ്പെടുന്ന സമയം അതുപോലെ ഈ പത്ത് കുടുംബക്കാരും തമ്മിൽ മത്സരിക്കുന്ന സമയം കൂടിയാണിത് ……

നാട്ടുപ്രമാണികളായ ഒൻപത് കുടുംബളുടെയും കുടുംബ ക്ഷേത്രങ്ങളിൽ ഒന്നിച്ച് കൊടിയേറി ഉത്സവം ആരംഭിക്കും അതാണ് പതിവ് , ഇതേ സമയം തന്നെ ചേകവർ മനയിലെ പൂർവ്വികർ നിർമ്മിച്ച കാലഭൈരവ ക്ഷേത്രത്തിലും കൊടിയേറും …..

പത്ത് ദിവസം നീണ്ട് നിൽക്കുന്ന ഉത്സവം , പത്താം ഉത്സവത്തിന്റെ അന്ന് ഓരോ ക്ഷേത്രങ്ങളിൽ നിന്നും ( 10 കുടുംബ ക്ഷേത്രങ്ങളിൽ നിന്നും ) ആരവത്തോടെ ഘോഷയാത്രയായി പുറപ്പെട്ട് വൈകുണ്ഡ പുരി കൊട്ടാരത്തിന്റെ വകയായ സാക്ഷാൽ വിഷ്ണു നാരായണ ക്ഷേത്രത്തിൽ എത്തിച്ചേരും , പിന്നീടുള്ള മൂന്ന് ദിവസം ഈ കുടുംബക്കാർ തമ്മിലുള്ള മത്സരങ്ങളാണ് . വിവിധ ആയോധന മത്സരങ്ങൾ – ഗുസ്തി , ഗധ , അമ്പെയ്ത്ത് , കുതിരയോട്ടം അങ്ങനെ ഒട്ടേറെ മത്സരങ്ങൾ ….

ജയിക്കുന്നവർ തമ്മിൽ വീണ്ടും മത്സരിക്കും അവസാനം ഒരു കുടുംബം വിജയിയായി മാറും ….. പത്തിൽ ഭൂരിഭാഗം കുടുംബക്കാരും പുറത്ത് നിന്ന് നല്ല ഉശിരുള്ള അഭ്യാസികളെ മത്സരത്തിനായി കൊണ്ടുവരും തങ്ങളുടെ കുടുംബം മത്സരത്തിൽ ജയിക്കണമെന്ന വാശിയോടെ ….

പക്ഷെ ചേകവർ മനയുടെ ഭാഗത്ത് നിന്ന് ആരും പുറത്ത് നിന്ന് വരില്ല , പകരം ഈ കുടുംബത്തിൽ പിറന്ന ചേകവർ തന്നെ നേരിട്ടിറങ്ങും മത്സരിക്കാനായി . ഇറങ്ങിയാൽ പിന്നെ നോക്കാനുണ്ടോ ജയിച്ചേ മടങ്ങൂ …..