✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

” ഏതോ വരുത്തനാ അയ്യാ … മുഖമൊക്കെ മറച്ച് …. അവനെപ്പറ്റി അന്വേഷിക്കുന്നുണ്ട് ഉടനെ തന്നെ കയ്യിൽ കിട്ടും …. ”

ജഗദേവ് ഉടനെ മറുപടി പറഞ്ഞു ….

” മ് ശരി ….. നിങ്ങളിരിക്ക് ഒരാൾ കൂടി വരാനുണ്ട് അതിന് ശേഷം കാര്യങ്ങൾ വ്യക്തമാക്കാം ….. ”

രാജസേനൻ ഉടനെ മറുപടി പറഞ്ഞു …

” അത് അയ്യാ ഞങ്ങൾ അങ്ങയുടെ മുന്നിൽ ഇരിക്കുക എന്ന് പറഞ്ഞാൽ …. ”

ജഗന്നാഥ് പതിയെ പറഞ്ഞു ….

” ഇരിക്കണമെന്ന് പറഞ്ഞാൽ ഇരിക്കണം …. എനിക്ക് കുറച്ച് കാര്യങ്ങൾ ചെയ്യാനുണ്ട് അതിന് നിങ്ങളുടെ സഹായം എനിക്ക് വേണം , അപ്പൊ നമ്മൾ രാജാവും അടിയാളനുമല്ല പങ്കാളികൾ …. അല്ലെങ്കിൽ തന്നെ ആരാ രാജാവ് ….. കുടുംബത്തിൽ മൂത്തവനല്ലേ രാജസ്ഥാനം , ഇളയതായി ജനിച്ച് പോയാൽ നായക്ക് സമം …

എന്റെ മുത്തശ്ശന്റെ മൂന്നാമത്തെ മകളുടെ മകനല്ലേ ഞാൻ , ഒരു തരത്തിൽ അധികപ്പറ്റ് ….
എന്റെ മൂത്ത അമ്മാവനല്ല ഇപ്പോഴത്തെ രാജപ്പട്ടം ഇന്ദ്രരാജൻ തമ്പുരാന് …. പ്ഫാ …. അയാൾ ചത്താൽ അയാളുടെ മകൻ അടുത്ത തമ്പുരാൻ . പിന്നെ ഒരു ഇളയ അമ്മാവൻ ഉണ്ടായിരുന്നത് നല്ല കാലത്തേ ആരുടേയോ കൈ കൊണ്ട് ചത്തു …. പിന്നെ ഉള്ളത് പാവം എന്റെ അമ്മ …. എന്റെ അച്ഛൻ മരിച്ചപ്പോൾ വേറെ ഗതിയില്ലാതെയാ ഞാനും അമ്മയും തിരികെ കൊട്ടാരത്തിൽ വന്നത് , പട്ടിണി കിടന്ന് ചാവാതിരിക്കാൻ …. കൊട്ടാരത്തിൽ എത്തിയ എന്റെ അമ്മ പിന്നെ അവിടെ വാല്യക്കാരത്തിക്ക് സമം …. ആ നശിച്ച അമ്മായിയുടെ ആട്ടും തുപ്പും കേട്ട് നരകിച്ച് ജീവിക്കുന്ന ജന്മം ….

എനിക്കെന്തുണ്ട് … എല്ലാ വീതവും കൊടുത്ത് കുടുംബത്തിൽ നിന്ന് കെട്ടിച്ച് വിട്ട ഒരുത്തിയുടെ മകനല്ലേ ഞാൻ , അതിലെന്തെങ്കിലും മിച്ചമുണ്ടോ എന്ന് ചോദിച്ചാൽ ഓട്ടക്കാലണ അതാ മറുപടി ….