✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

” എന്തിന് …. നമുക്ക് കിട്ടേണ്ടത് കിട്ടിയില്ലേ . ഇപ്പോഴേ ഏറെ വൈകി , ഇനിയും വൈകിയാൽ വീട്ടിൽ നിന്ന് ആരെങ്കിലും ആർട്സ് ലൈബ്രറിയിൽ വിളിച്ച് തിരക്കും അതോടെ എല്ലാം കുഴയും … ”

അവന്തിക അതും പറഞ്ഞ് എഴുന്നേറ്റു പുറകെ ദക്ഷയും …

അവന്തിക മുന്നോട്ട് നടന്നതും ബാക്കിയിരിക്കുന്ന ആ തുറക്കാത്ത പെട്ടിയിലേക്ക് ഒന്ന് നോക്കിയ ശേഷം ദക്ഷയും പുറകെ നടന്നു … അവർ സ്റ്റെപ്പുകൾ കയറി മുകളിൽ എത്തിയ ശേഷം നിലവറ പൂട്ടി പഴയത് പോലെയാക്കി എന്നിട്ട് മനയ്ക്ക് പുറത്തിറങ്ങി മുന്നിലത്തെ വാതിൽ പഴയത് പോലെ തന്നെ പൂട്ടിയ ശേഷം അവർ ടു വീലർ വച്ചിരിക്കുന്ന ഇടത്തേയ്ക്ക് നടന്നു …

” എല്ലാം ഒരു സ്വപ്നം പോലെ തോന്നു വാ …. ഞാൻ ഒട്ടും പ്രതീക്ഷിച്ചില്ല ഇത്ര വേഗം ഇതെന്റെ കയ്യിൽ എത്തുമെന്ന് …. ചേച്ചീ പിന്നെ ഇത് വേറെ ആരും അറിയണ്ട തൽക്കാലം … ”

ടു വീലർ സ്റ്റാർട്ട് ചെയ്തു കൊണ്ട് അവന്തിക പറഞ്ഞു …

” അത് പറയാനുണ്ടോ … ഞാൻ ഒന്നും പറയാൻ പോകുന്നില്ല …. ”

അതും പറഞ്ഞ് ദക്ഷ പുറകിൽ കയറി , വണ്ടി മുന്നോട്ട് നീങ്ങി .

                    ……………………..

രുദ്രന്റെ വീട് ……

ടെറസ്സിൽ എന്തോ ചിന്തിച്ച് നിൽക്കുകയായിരുന്നു ആദി ….. അപ്പോഴാണ് രുദ്രൻ അവിടേയ്ക്ക് കയറി വന്നത് ….

” ആ നീ ഇവിടെ നിൽക്കുകയായിരുന്നോ …. എന്താടാ ഒരു ആലോചന …. ”

രുദ്രൻ ഉടനെ ചോദിച്ചു ….

” വേറെ എന്ത് ചിന്തിക്കാൻ …. എന്റെ ലൈഫിൽ നടക്കുന്ന കാര്യങ്ങളെ കുറച്ച് തന്നെയാ … ”