✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

അൽപ്പ നേരം കഴിഞ്ഞതും അത് തല ഉയർത്തി അവളെ ഒന്ന് നോക്കിയ ശേഷം മുന്നിലേയ്ക്ക് ഇഴഞ്ഞ് നീങ്ങി … അത് ആ പടിക്കെട്ടിലൂടെ ഇഴഞ്ഞ് പുറത്തേയ്ക്ക് പോകുന്നത് അവർ നോക്കി നിന്നു ….

” ചേച്ചീ …. ഞാൻ …. ഞാൻ പേടിച്ച് പോയി …. ഭാഗ്യം അതൊന്നും ചെയ്തില്ല … ചേച്ചി എന്താ ഞാൻ വിളിച്ചിട്ടും അനങ്ങാതെ നിന്നേ …. അല്ല … ചേച്ചിയുടെ മുന്നിലെന്തിനാ ആ സർപ്പം തല കുമ്പിട്ട് കിടന്നത് .. ”

അവന്തിക അവളുടെ ചുമലിൽ കൈ പിടിച്ചു കൊണ്ട് അതിശയത്തോടെ ചോദിച്ചു ….

” അറിയില്ല … എന്നിക്ക് , എനിക്കൊന്നു മറിയില്ല …. ”

ഒരു ഞെട്ടലോടെ അവൾ മറുപടി പറഞ്ഞു :

” എന്തോ എല്ലാം ഒരു സ്വപ്നം പോലെ … ചേച്ചി വാ നോക്കാം … ”

അവന്തിക അതും പറഞ്ഞ് മുന്നോട്ട് നടന്ന് ആ പെട്ടികൾക്കടുത്തായി എത്തി …. ശേഷം അവൾ അതിലെ ഒരു പെട്ടി തുറന്ന് നോക്കി …

അതിനുള്ളിൽ പട്ട് തുണിയിൽ പൊതിഞ്ഞ ഒരു വാളായിരുന്നു , ഒരു ഉടവാൾ ….

” ചേച്ചി …. ദേ നോക്ക് …. ചേകവർ മാർ നൂറ്റാണ്ടുകളായി കൈമാറി വരുന്ന ഉടവാൾ …. ഹോ ഇതൊക്കെ നേരിട്ട് കാണാൻ കഴിയുമെന്ന് വിജാരിച്ചതല്ല …. ”

അവന്തിക പറഞ്ഞതും ദക്ഷ അതിലേയ്ക്ക് തന്നെ നോക്കി നിന്നു … ശേഷം അവന്തിക ആ പെട്ടി അടച്ച് വെച്ച ശേഷം മറ്റൊരു പെട്ടി തുറക്കാൻ ശ്രമിച്ചു പക്ഷെ കഴിഞ്ഞില്ല …

” ഇത് ലോക്കാണല്ലോ …. ”

അവന്തിക അതും പറഞ്ഞ് ആ പെട്ടിയുടെ നാല് വശത്തും ലൈറ്റ് അടിച്ച് നോക്കി …

” ശ്ശേ …. ഇതിൽ താക്കോൽ പഴുത് ഇല്ലല്ലോ പിന്നെ എങ്ങനെ തുറക്കാനാ …. ”