✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

” അല്ല …. ഇത് ആ സർപ്പം തന്നെയാ … എനിക്ക് ഉറപ്പാ …. ഇതെങ്ങനെ ഈ പൂട്ടിക്കിടന്ന നിലവറയ്ക്കുള്ളിൽ എത്തി …? ”

ദക്ഷ സംശയത്തോടെ ചോദിച്ചു , അപ്പോഴും ആ സർപ്പം ഫണം വിടർത്തി അങ്ങനെ നിൽക്കുകയാണ് .

” ചേച്ചീ ഈ സർപ്പം ചേച്ചിയെത്തന്നെയാണല്ലോ നോക്കുന്നേ …. ”

അവന്തിക പറഞ്ഞു …

” ശരിയാണല്ലോ ….. ”

ഉടനെ തന്നെ ആ സർപ്പം ഒന്ന് കൂടി ഉയർന്നു അതിന്റെ ഫണം മുന്നിലത്തേക്കാളും വിടർത്തി ഒപ്പം , പിളർന്ന നാവും മുന്നിലേയ്ക്ക് നീട്ടി ….

” ചേച്ചീ …. വാ പോവാം …. അത് നമ്മളെ ഇപ്പൊ കൊല്ലും …. ”

അവന്തിക അതും പറഞ്ഞ് പിന്നിലേക്ക് ചുവടുകൾ വച്ചു , പക്ഷെ ദക്ഷ അനങ്ങാതെ തന്നെ നിന്നു … എന്തോ അവൾക്ക് അങ്ങനെ നിൽക്കാനാണ് അപ്പൊ തോന്നിയത് … ഉള്ളിലെ ഭയമൊക്കെ എങ്ങോട്ടോ പോയത് പോലെ ….

ഉടനെ തന്നെ ആ സർപ്പം മുന്നിലേയ്ക്ക് ഇഴഞ്ഞു ദക്ഷയുടെ അടുത്തേയ്ക്ക് …

” ചേച്ചീ….. വാ … അത് ചേച്ചീടെ അടുത്തേയ്ക്ക് വരുവാ . …. ”

അവൾ ഭയത്തോടെ വിളിച്ചു പറഞ്ഞു പക്ഷെ ദക്ഷയ്ക്ക് അനങ്ങാനെ കഴിഞ്ഞില്ല ഒരു തരം മരവിച്ച അവസ്ഥ …..

മുന്നിലേയ്ക്ക് ഇഴഞ്ഞ് വന്ന ആ സർപ്പം ദക്ഷയുടെ മുന്നിൽ അവളെ നോക്കി ഫണം വിടർത്തി നിന്നു ശേഷം അത് അവളുടെ പാദങ്ങൾക്ക് മുന്നിൽ തല തറയിൽ മുട്ടുന്ന രീതിയിൽ അൽപ്പനേരം കിടന്നു എന്തോ ക്ഷമാപണം ചോദിക്കുന്ന പോലെ .