✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

” എങ്കിൽ തൽക്കാലം മോനിനി കൂടുതൽ ചിന്തിച്ച് തല പുകയ്ക്കണ്ട . യു ഹേവ് ടു ഗുഡ് ന്യൂസ് ….. ”

രുദ്രൻ പുഞ്ചിരിയോടെ പറഞ്ഞു …

” അതെന്താ …. ? ”

ആദി ആകാംഷയോടെ ചോദിച്ചു ….

” മ് ….. പറയം
ഒന്നാമത്തേത് …. നിന്റെ ഇപ്പോഴത്തെ പ്രശ്നത്തിന് പൂർണ്ണ പരിഹാരമല്ലെങ്കിലും ഒരു സൊല്യൂഷൻ കണ്ട് പിടിക്കാൻ ഒരാൾക്ക് കഴിയും . ”
” ആർക്ക് ? ”

ആദി തിരിച്ച് ചോദിച്ചു …

” ഒൺ മിസ്റ്റർ ലക്ഷ്മൺ , പ്രൊഫസ്സർ ലക്ഷ്മൺ .
പുള്ളി ഈ നാട്ടുകാരനാ പക്ഷെ ലണ്ടൻ സിറ്റിസൺ ആണ് , ഇപ്പൊ വെക്കേഷന് ഇവിടെ നാട്ടിൽ എത്തിയിട്ടുണ്ട് . പല വിഷയങ്ങളിലും ഡോക്ടറേറ്റ് എടുത്തിട്ടുള്ള ഒരു ജീനിയസ് , സൈക്യാട്രിയിലും ജ്യോതിഷത്തിലുമുൾപ്പടെ വലിയ അറിവുണ്ട് പുള്ളിക്ക് …. എനിക്ക് തോന്നുന്നു പുള്ളിക്ക് ഇതിൽ നിന്നെ സഹായിക്കാൻ കഴിയും …. ”

” മ് ….. ശരി . രണ്ടാമത്തേത് എന്താ …. ? ”

” രണ്ടാമത്തേത് …. നിന്റെ പ്രിയതമയെ കണ്ട് പിടിക്കാനുള്ള വഴി കിട്ടിയിട്ടുണ്ട് …. ”

രുദ്രൻ പറഞ്ഞതും ആദി അതിശയത്തോടെ അവനെ നോക്കി …

” ശരിക്കും …. ”

” എന്താടാ എന്നെ വിശ്വാസം ഇല്ലാത്ത പോലെ …. ഞാൻ ഒരു കാര്യം ഏറ്റാൽ ഏറ്റതാ അതിൽ മാറ്റമില്ല ….. നീ പറഞ്ഞ മോഡൽ കാറ് വിത്ത് സെയിം കളർ ഈ നാട്ടിൽ മൂന്നെണ്ണം ഉണ്ട് അതിന്റെ സീറ്റൈൽസും കിട്ടി … ഇനി കക്ഷി അതിലേത് വീട്ടിലാണെന്ന് കണ്ട് പിടിച്ചാൽ മാത്രം മതി …. ഹോ അവന്റെ ഒരു സന്തോഷം കണ്ടില്ലേ , ”

രുദ്രൻ പുഞ്ചിരിയോടെ പറഞ്ഞു ….

” അപ്പൊ ആദ്യം …. ?”

ആദി സംശയത്തോടെ ചോദിച്ചു ….