✮കൽക്കി࿐ (ഭാഗം – 15 ) വിച്ചു [ചെകുത്താനെ സ്നേഹിച്ച മാലാഖ ] 1308

‘ ഇയാളെ എവിടെയോ കണ്ടിട്ടുള്ളത് പോലെ …. എന്നാലും …… ‘

ദക്ഷ മനസ്സിൽ ചിന്തിച്ചു …

” എന്താ ചേച്ചി …. ? ”

അമാന്തിച്ച് നിൽക്കുന്ന അവളെ കണ്ടതും അവന്തിക കാര്യം തിരക്കി …

” ഇയാൾ …. ഇതാരാ .. ? ”

ദക്ഷ ഉടനെ ചോദിച്ചു …

” ഇത് ….. ആ …. ഇതാണ് ചേച്ചി ഈ വീട്ടിൽ കാര്യസ്ഥനായിരുന്നയാൾ … ഇയാളുടെ പേര് മ് …. അമ്മ പറഞ്ഞ് തന്നതാ മറന്ന് പോയി ….
ആ പിന്നെ ഇയാൾ വെറും കാര്യസ്ഥനല്ല ശേഖരൻ തമ്പിയുടെ ഏതോ അടുത്ത ബന്ധു കൂടിയാ …. ”

അവന്തിക മറുപടി പറഞ്ഞതും ദക്ഷ ഒന്നുകൂടി ആ ഫോട്ടോയിലേക്ക് നോക്കി ….

‘ എന്നാലും എവിടെ വച്ചാ കണ്ടത് … ‘

മനസ്സിൽ ചിന്തിച്ചു കൊണ്ട് ദക്ഷ തന്റെ ഫോൺ എടുത്ത ശേഷം ആ ചിത്രങ്ങളുടെ ഫോട്ടോ ഫോണിൽ പകർത്തി …. ശേഷം അവർ മുന്നോട്ട് നടന്നു …

അൽപ്പ ദൂരം കൂടി മുന്നോട്ട് പോയതും ആ വഴി അവസാനിച്ചത് പോലെ മുന്നിൽ ചുവരാണ് അവർക്ക് കാണാൻ കഴിഞ്ഞത് ….

” ശ്ശേ ഈ ഭാഗത്ത് ഒന്നുമില്ലല്ലോ ….. ചിലപ്പൊ വേറെ ഭാഗത്തായിരിക്കും ചേച്ചി നിലവറ … ശ്ശോ കുഴഞ്ഞല്ലോ , ഇനിയിപ്പൊ അത് എങ്ങനെ കണ്ട് പിടിക്കാനാ …. ചേച്ചി വാ നോക്കാം …. ”

അവന്തിക അതും പറഞ്ഞ് തിരികെ നടക്കാൻ ഒരുങ്ങിയതും ….

” അവന്തികേ വെയിറ്റ് …… ”

ദക്ഷ പറഞ്ഞ ശേഷം മൗനമായി നിന്നു ….
അത് കണ്ടതും അവന്തിക എന്താ എന്ന അർത്ഥത്തിൽ തല ഉയർത്തി ചോദിച്ചു …..
അത് കണ്ടതും അവൾ കൈ കൊണ്ട് നിൽക്കാൻ പറഞ്ഞ ശേഷം മുന്നോട്ട് നടന്നു ….