അപരാജിതന്‍ 28 [Harshan] 9797

“എടി പാജി , ,,ഞാനെന്താ വല്ല മൃഗവുമാണോ ? എന്നെ മാനെ മയിലെ എന്നൊക്കെ വിളിക്കാൻ ,,അപ്പുവേട്ടാന്നു വിളിക്കെടി ,,”

“പിന്നെ ,അത് തന്‍റെ മറ്റവളോട് പോയി പറ ,,” അവൾ കെറുവിച്ചു

“ഇങ്ങനെയാണോടി പാജി ,,നീ ജർമനിയിലും ,,,,, ”

“യെസ് ,,,,,,,ഐ വിൽ നോട്ട് ചേഞ്ച് മാൻ ,,,,”

“നീ മാറില്ല ,, പണ്ട് അപ്പുവേട്ടാ അപ്പുവേട്ടാ എന്നും പറഞ്ഞു എന്‍റെ പുറകെ വാലായി നടന്ന പെണ്ണാ ,,ഇപ്പോ കണ്ടില്ലേ ഒരു ബഹുമാനവുമില്ല,  എന്‍റെ നന്ദുമാമന്‍റെ മോളായി പോയി ,,ഇല്ലാരുന്നേ ,,”

“ഓ ,,ഇല്ലാരുന്നേ താനെന്തു ചെയ്തെനെ ,,,,,,?’

“എന്ത് ചെയ്യാൻ ,,,, വല്ല കാഞ്ഞിരകുരുവും കലക്കി തന്നേനെ ,,,”

“അതെന്താ ,,, കാഞ്ചീരകരു ”

“അതിനു നല്ല മധുരമാ,,, വെരി ടേസ്റ്റി ,,,പോകുന്നതിനു മുൻപ് നിനക്ക് കലക്കി തരാട്ടോ ,,അല്ലെ നീരു അവൻ നീരുവിനോടും അഭിപ്രായം തേടി

നീരു ടൗവ്വൽ കൊണ്ട് വായ പൊത്തി ചിരിച്ചു കൊണ്ടിരുന്നു.

“പത്തിരുപത്തി നാല് വയസായി ,ഇതിനെയൊക്കെ കെട്ടുന്നവന്‍റെ കാര്യ൦ ,,,,,,”

അത് കേട്ടു പാജി അരിശം കയറി ആദിയുടെ പള്ളക്ക് ഒരു കുത്തു കൊടുത്തു.

“കാട്ടു വെരുകിന്‍റെ ജന്മം തന്നെ ” എന്നവൻ എല്ലാവരും കേൾക്കെത്തന്നെ പറഞ്ഞു കൊണ്ട് ആദി ജീപ്പ് ഓടിക്കലിൽ ശ്രദ്ധിച്ചു കൊണ്ടിരുന്നു .

<<<<<O>>>>>

വേമാവരത്തിനർത്തിയോട് ചേർന്നുള്ള ജഗന്നാഥന്‍റെ ഡിസ്റ്റിലറി.

കിഴക്കൻ വടക്കു കിഴക്കൻ സംസ്ഥാനങ്ങളിൽ വളരെയധികം ഡിമാന്റുള്ള ജാഗ്വർ റം നിർമ്മിക്കുന്നത് ജഗന്നാഥന്‍റെ ഡിസ്റ്റിലറികളിലാണ്.

പ്രതിവർഷം എട്ടു ലക്ഷം കേസ് റം ഉൽപ്പാദിപ്പിക്കാനുള്ള കപ്പാസിറ്റിയുണ്ട് ആ ഡിസ്റ്റിലറിക്ക്.

ജഗന്നാഥന് സ്വന്തമായി ഷുഗർ മില്ലുകളും കരിമ്പിൻ തോട്ടങ്ങളും ഉള്ളതുകൊണ്ട് റോ മെറ്റീരിയൽ വളരെ കുറഞ്ഞ നിരക്കിൽ ലഭിക്കുന്നത് കാരണ൦ കോടികളുടെ ലാഭമാണ് ജാഗ്വർ റ൦ വഴി നേടുന്നത്.