അപരാജിതന്‍ 28 [Harshan] 9777

“പെരിയോരെ ,,,ഇപ്പോളത്തെ മൂല്യമനുസരിച്ച് എണ്ണൂറു കോടി രൂപയുടെ സ്വത്തുവകകൾ എനിക്കുണ്ട് , ഇതെല്ലാമതിന്‍റെ പ്രമാണങ്ങളാണ് ,,,,ഇതെല്ലാം ഞാൻ നിങ്ങൾക്ക് എഴുതി തന്നേക്കാം,,ഉറപ്പായി ഒറിജിനൽ പ്രമാണങ്ങൾ തന്നെ അങ്ങോട്ടു തരുന്നു,,,,,ഇതുപോരെ,,

ഇനിയെന്നെ ഒരു ദിവസത്തേക്ക് സ്വീകരിച്ചു കൂടെ ”

ഗോവിന്ദ റെഡ്ഢി പുഞ്ചിയോടെ വാച്ചിൽ നോക്കി

“ഇപ്പോൾ സമയം ഒൻപതു മണി ,,,ഈ സമയം മുതൽ നാളെ രാത്രി ഇതേ സമയം അവരെ ,, ചൈതന്യ ഞങ്ങളുടെ മകൾ ,, നീ ഞങ്ങളുടെ കൊച്ചുമകൻ ,, സിവെല്ലൂരി ജഗന്നാഥ റെഡ്ഢി ” എന്നുപറഞ്ഞു കൊണ്ട് അദ്ദേഹം അവനെ കെട്ടിപിടിച്ചു

ജഗന്നാഥന് ഒരുപാട് സന്തോഷമായി

“പെരിയോരെ…….”

“പെരിയാർ അല്ല മുത്തശ്ശൻ ” എന്നുപറഞ്ഞു വീണ്ടും അവനെ കെട്ടിപിടിച്ചു

എന്നിട്ടു മക്കളെ കൊണ്ടും മരുമക്കളെ കൊണ്ടും കൊച്ചു മക്കളെ കൊണ്ടും അവനെ കൈ കൊടുപ്പിച്ചു

“എല്ലാവരും അല്പം വൈമനസ്യത്തോടെ ആണെകിലും അവനുമായി ചങ്ങാത്തത്തിലായി .

രാത്രി

എല്ലാവരും ഒരുമിച്ചു ഭക്ഷണം കഴിച്ചു

ജഗന്നാഥൻ ദേഹത്ത് നല്ലപോലെ പരിക്കുകൾ ഉണ്ടെങ്കിലും വേദനകളൊക്കെ സഹിച്ചു തന്നെ എല്ലാ കാര്യങ്ങളിലും കൂടി.

രാത്രി കഴിഞ്ഞു വരന്‍റെ വീട്ടുകാരെ ആദിയും ജഗന്നാഥനും കൂടെ തിരികെ എത്തിച്ചു.

തിരികെ ആദിയും ജഗന്നാഥനും മാളികയിൽ എത്തി

ആദി ആരും കാണാതെ ജഗന്നാഥനെ മാറ്റി നിർത്തി

കവിള് നോക്കി ഒന്ന് പൊട്ടിച്ചു

“അമ്മെ ,,,എന്ന് വിളിച്ചു കൊണ്ട് വേദനയോടെ ജഗന്നാഥൻ നിലത്തേക്ക് ഇരുന്നു

അവന്‍റെ കഴുത്തിന് കുത്തിപ്പിടിച്ചു എഴുന്നേൽപ്പിച്ചു

“ഇത് നിന്‍റെ ത്യാഗത്തിനു ,,നായെ നിനക്കാ നീരുവിനെയും കൊണ്ട് പോയാൽ പോരായിരുന്നോ ,,എല്ലാം കഴിഞ്ഞു ഒരു ദിവസത്തേക്ക്,, നീ നിന്‍റെ സകലതും ഇല്ലാണ്ടാക്കിയില്ലേടാ ,,,”