അപരാജിതന്‍ 28 [Harshan] 9777

അയാൾ എന്നിട്ടു എഴുന്നേൽക്കാൻ ശ്രമിച്ചു കൊണ്ടിരുന്നു.

ആദി കോപം അടക്കാനാകാതെ വീണ്ടും അയാളുടെ സമീപത്തേക്ക് നടന്നു

അയാളുടെ തുടയിൽ ശക്തിയിൽ തോക്കിന്‍റെ പാത്തി കൊണ്ട് അടിച്ചു

“അമ്മെ ,,,” എന്ന് വിളിച്ചു കൊണ്ട് ജഗന്നാഥൻ തെറിച്ചു നീങ്ങി താഴെയുള്ള ഇറക്കത്തിലേക്ക് വീണു

ഇറക്കമായതിനാൽ അയാൾ ഉരുണ്ടു വീണു കൊണ്ടിരുന്നു.

അയാൾക്ക് പുറകെ ആദിയും ഓടി.

ഉരുണ്ടു കുറെ പരിക്കുകളോടെ ജഗന്നാഥൻ താഴെയുള്ള ഒരു മരത്തിൽ ഇടിച്ചു ദേഹം ഉരഞ്ഞ് ഒരു ചെറിയ കോവിലിന്‍റെ സമീപം വന്നു കിടന്നു.

അയാൾ എങ്ങനെയൊക്കെയോ വീണ്ടും എഴുന്നേൽക്കാൻ ശ്രമിച്ചു

ദേഹമാകെ ചോരയായിരുന്നു

“എവിടെ ചെന്നാലും ഞാൻ ഹീറോയാ ,, ഒരാളും എന്‍റെ എതിരെ വന്നിട്ടില്ല ,,വന്നാൽ ഞാൻ ബാക്കി വെച്ചേക്കുകയുമില്ല ,, പക്ഷെ നീ വന്നു ,, ” എന്നുപറഞ്ഞു കൊണ്ട് നിർദാക്ഷിണ്യം വീണ്ടും ജഗന്നാഥന്‍റെ കൈ നോക്കി പാത്തി കൊണ്ട് ശക്തിയിൽ അടിച്ചു

വേദന കൊണ്ടയാള്‍ പുളഞ്ഞു.

“ആ പാവം കുട്ടിയുടെ വിവാഹമാണ് ,, ആ കുടുംബത്തിന്‍റെ സന്തോഷം ,, അതാ നീ മുടക്കാൻ നോക്കിയത് ,, എന്നുപറഞ്ഞു അവനെ പിടിചെഴുന്നേല്പിച്ചു”

ആദി നോക്കിയപ്പോൾ അത് ജഗന്നാഥ സ്വാമിയുടെ പ്രതിഷ്ഠയുള്ള കോവിലായിരുന്നു.

അവൻ ബഹുമാനത്തോടെ ആ പ്രതിഷ്ഠയെ നോക്കി.

അവന്‍റെ മുഖത്ത് പിടിച്ചു തിരിച്ചു കാണിച്ചു

“കണ്ടോ ,,,,, ഞാനിവിടെ വന്നത് ഇതേ ജഗന്നാഥന്‍റെ തീരുമാനം കൊണ്ട് തന്നെയാ ,, നീരുവിന്‍റെ കല്യാണം നടത്താൻ ,, ”

എന്നുപറഞ്ഞു കൊണ്ട് അയാളെ ശക്തിയിൽ പിടിച്ചു തള്ളി.

അയാൾ പിന്നിലേക്ക് മറിഞ്ഞു കോവിലിന്‍റെ നടയിൽ പുറമിടിച്ചു കിടന്നു.

അയാൾ വേദന കൊണ്ട് പുളയുകയായിരുന്നു.

ആദി അയാൾക്ക് നേരെ നടന്നു വന്നു അയാളുടെ മുന്നിലായി നിന്ന് തോക്ക് ഒന്ന് തുറന്നു അതിൽ ബുള്ളറ്റ് ഉറപ്പു വരുത്തി അടച്ചു കൊണ്ട് ജഗന്നാഥന്‍റെ പ്രതിഷ്ഠയുടെ മുന്നിൽ ജഗന്നാഥന്‍റെ നെഞ്ചില്‍ കാലമര്‍ത്തി

“ഇനി ,,,,നീരുവിന്‍റെയോ ആ കുടുംബത്തിന്റെയോ നേരെ നിന്‍റെ കണ്ണൊന്നുയർന്നാൽ ”

എന്നുപറഞ്ഞു കൊണ്ട് ആദി ജഗന്നാഥന്‍റെ നെറ്റിയിൽ പുരികങ്ങൾക്കിടയിൽ തോക്കിന്‍ കുഴല്‍ ചൂണ്ടി നിന്നു.

<<<<O>>>>