അപരാജിതന്‍ 28 [Harshan] 9774

എന്നുപറഞ്ഞു കൊണ്ട് ആദി താഴെ കിടക്കുന്ന ആളുടെ വായക്കു സമീപം ഫോൺ വെച്ചു കൊണ്ട് അയാളുടെ മീശയിൽ പിടിച്ചു വലിച്ചു

കൊടും വേദനയിൽ അയാൾ ഉറക്കെയലറി

ആദി ആ ശബ്ദം ഫോണിലൂടെ കേൾപ്പിച്ചു കൊടുത്തുകൊണ്ട് ഫോൺ വെച്ചു

“നിങ്ങൾ വേഗം വീട്ടിലേക്ക് പോ ” അവൻ മുത്തശ്ശനോടു പറഞ്ഞു

അദ്ദേഹം ഒരുപാട് സന്തോഷത്തോടെ അവനെ കെട്ടിപിടിച്ചു

“നീയില്ലായിരുന്നെങ്കിൽ മോനെ ,,,,,” ആ വൃദ്ധൻ ഉള്ളിലെ ആശങ്ക പങ്കു വച്ചു.

“ഞാനുണ്ടല്ലോ ,,മുത്തശ്ശാ,,, നിങ്ങള് ചെല്ല് ..നാളെ രാവിലെ ഞാൻ ഇവരെയും കൂട്ടി അവിടെ എത്തിയേക്കാം ,, കേട്ടോ ,,പേടിക്കണ്ട ,, ഞാനുണ്ട് ,,, ”

എന്ന് ആശ്വസിപ്പിച്ചു കൊണ്ട് അവരെ പറഞ്ഞയച്ചു.

അര മണിക്കൂർ കഴിഞ്ഞപ്പോൾ മൂന്നു നാല് ടെമ്പോ ട്രെവലറുകൾ അവിടെത്തി

അതിൽ നിന്നും ആളുകൾ ഇറങ്ങി പരിക്കേറ്റവരെ അവിടെ നിന്നും എടുത്തുകൊണ്ടു പോകുകയും ചെയ്തു

<<<<O>>>>

പിറ്റേന്ന് രാവിലെ വരന്‍റെ വീട്ടുകാരുമായി ആദി സിവെല്ലൂരി കുടുംബത്തിൽ എത്തി.

രാവിലെ മുതൽ വിവിധങ്ങളായ ചടങ്ങുകളും പൂജകളും നടന്നുകൊണ്ടിരുന്നു.അവിടത്തെ കുടുംബാഗത്തെ പോലെ തന്നെ ആദിയും ഗോവിന്ദ റെഡ്ഢി മുത്തശ്ശനോടൊപ്പം എല്ലാ കാര്യങ്ങളിലും ശ്രദ്ധ കൊടുത്ത് നടന്നു.

ഉച്ചക്ക് രണ്ടു മണിയോടെ ഭക്ഷണം കഴിഞ്ഞതിന് ശേഷം വരനെയും കുടുംബത്തെയും അവർ താമസിക്കുന്നയിടത്തു കൊണ്ട് ചെന്നാക്കി.

മൂന്നു മണിക്ക്

സിവെല്ലൂരി കുടുംബത്തിൽ നിന്നും ഒരു ആചാരം പൂർത്തീകരിക്കാനായി സകലരും ശ്രീ കൊണ്ടാലമ്മ അമ്മാവരി ക്ഷേത്രത്തിലേക്ക് പുറപ്പെടും.

ആ കുടുംബത്തിൽ ഏത് പെണ്കുട്ടിയുടെയും വിവാഹം നടക്കുന്നത് ആ കുടുംബത്തിൽ നൂറ്റാണ്ടുകൾ മുൻപേ പണികഴിപ്പിച്ച പരമ്പരാഗതമായ ആഭരണങ്ങൾ അണിഞ്ഞാണ്.

അത് നൂറ്റി എട്ടു തോല സ്വർണ്ണം ആണ്

ഒരു തോല എന്നത് പത്തു ഗ്രാ൦