അപരാജിതന്‍ 28 [Harshan] 9774

അവൻ തല കുലുക്കി ഓരോ കാര്യങ്ങൾക്കായി ഓടി.

ആറര ആയപ്പോൾ റെഡ്ഢി മുത്തശ്ശനും ആദിയും അത്യാവശ്യത്തിനു പുറത്തേക്കിറങ്ങി.

ഹാളിൽ നിരുപമയടക്കം എല്ലാവരും ഇരിക്കുകയാണ് മാമിമാരും കൊച്ചുമക്കളും മുത്തശിയും എല്ലാവരും

അവിടെ ഫോട്ടോ എടുക്കലും മറ്റുമാണ്

ജഗന്നാഥനും അവരുടെ ഇടയിൽ കയറി ഫോട്ടോ ഒക്കെ എടുത്തു.

പക്ഷെ എല്ലാരും ഒൻപതു മണിക്ക് അവൻ പോകുന്ന കാര്യത്തിൽ വിഷമത്തിലും ആയിരുന്നു.

അവരതു അവനോടു പറയുകയും ചെയ്തു

അവൻ ജാനകി മുത്തശ്ശി ഇരിക്കുന്നയിടത്തു ചെന്നു

അവരുടെ ഒപ്പമിരുന്നു

അവർ അവനെ ചേർത്ത് പിടിച്ചു നെറ്റിയിൽ ഒരു മുത്തം കൊടുത്തു

അവൻ അവരുടെ കൈ പിടിച്ചു മെല്ലെ തലോടി കൊണ്ട് പറഞ്ഞു

“ഒരു കാര്യം പറഞ്ഞാ സാധിച്ചു തരോ ..?”

അവർ എന്താ വേണ്ടത് എന്ന് ചോദിച്ചു

“ഒൻപതു മണി കഴിഞ്ഞാൽ പിന്നെ ഞാൻ ഇവിടത്തെ ആരുമല്ലാതെയാകില്ലേ ?”

അതുകേട്ടു അവരുടെ മുഖമൊന്നു വാടി

“എന്താന്ന് വെച്ചാ ,, നിങ്ങളെയൊക്കെ പിരിഞ്ഞു പോകുന്നതോർക്കുമ്പോ ആകെ ഒരു സങ്കടം ,, മുത്തശ്ശി പറഞ്ഞാ എന്തായാലും മുത്തശ്ശൻ കേൾക്കും ,, നാളെ മുതല് ഞാൻ പണ്ട് ചെയ്ത ആ മാടിനെ നോക്കുന്ന വേല ചെയ്തോട്ടെ ,, അതാകുമ്പോ ഞാൻ ഇവിടെ തൊഴുത്തിൽ ഉണ്ടാകുമല്ലോ ,, നിങ്ങളെയൊക്കെ എന്നും കാണാല്ലോ ,, ”

അവരതു കേട്ട് സങ്കടത്തോടെ അവനെ കെട്ടി പിടിച്ചു കരഞ്ഞു

“കരയാൻ പറഞ്ഞതല്ല,,, ആകെ ഒരു സങ്കടം ,,,വാച്ചില് സമയം നോക്കി ഇരിക്ക്യാ …ഒൻപതു മണി കഴിഞ്ഞാ എന്റെ അമ്മയും ഇവിടത്തെ ആരുമല്ലാതെയാകില്ലേ ,,അതൊക്കെ ഓർക്കുമ്പോ ഉള്ളിലൊക്കെ ഒരു ഭാരം പോലെ , മുത്തശ്ശി ”

അവനതു പറഞ്ഞപ്പോൾ അവൻ്റെ മാമിമാരും വിഷമത്തോടെ അവനു ചുറ്റും കൂടി .

“കാശൊന്നും തരണ്ട,ജീവിതകാല൦ മൊത്തം അങ്ങനെ കഴിഞ്ഞോളാ൦ , എല്ലാ പണിയും എടുത്തോളാ൦ , നിങ്ങളെയൊക്കെ പിരിയാനാകാത്തകൊണ്ടാ ”

അവൻ  കൂടുതലൊന്നും പറയാനാകാതെ അവിടെ നിന്നും എഴുന്നേറ്റ് നടന്നു.

എല്ലാവരും വിതുമ്പുകയായിരുന്നു.

എട്ടേ മുക്കാൽ ആയി

എല്ലാവരും ഒരുപാട് വിഷമത്തിൽ തന്നെയായിരുന്നു.

അവൻ എല്ലാവരോടും കെട്ടിപ്പിടിച്ചും കൈ പിടിച്ചും ഒരുപാട് സന്തോഷവും സങ്കടവുമൊക്കെ പങ്കു വെച്ചു.അവന്‍റെ അമ്മയുടെ സഹോദരന്‍മാര്‍ക്കായിരുന്നു ഏറെ വിഷമം, അടുത്തറിഞ്ഞപ്പോള്‍ തങ്ങളുടെ അനന്തിരവന്‍ അത്രമേല്‍ സാധുവാണെന്ന തിരിച്ചറിവ് അവരുടെയൊക്കെ ഉള്ള് നല്ല പോലെ നോവിപ്പിച്ചുകൊണ്ടിരുന്നു.

ഒടുവിൽ ഒൻപത് ആകാൻ ഒരു മിനിറ്റുള്ളപ്പോൾ റെഡ്ഢി മുത്തശന്‍റെ മുന്നിലെത്തി

അദ്ദേഹത്തെ കാൽ തൊട്ടു വന്ദിച്ചു

ചെയ്തു പോയ എല്ലാ പിഴകൾക്കും മാപ്പ് ചോദിച്ചു

അദ്ദേഹം അവനെ കെട്ടിപിടിച്ചു