അപരാജിതന്‍ 28 [Harshan] 9776

അല്പം കഴിഞ്ഞപ്പോൾ ആളുകളുടെ ബഹളം കേട്ട് കുടുംബത്തിലുള്ളവരൊക്കെ പുറത്തേക്കിറങ്ങി.

അവർ ജഗന്നാഥമന്ദിരത്തിനു മുന്നിലേക്ക് ഓടിയടുത്തു.

അവിടെ നോക്കുമ്പോൾ ആദി ഉയരമുള്ള മന്ദിരത്തിനു മുകളിൽ മണിയിൽ പിടിച്ചു നിൽക്കുന്നു.

“അപ്പൂ ,,,,,,,,” ഭയത്തോടെ നന്ദുമാമൻ വിളിച്ചു.

“അവരുടെ കല്യാണം നടത്തുമോ ഇല്ലയോ ” അവൻ മുത്തശ്ശനോട് ചോദിച്ചു

“ഇല്ലാ ,,,” അദ്ദേഹം ഉറപ്പിച്ചു പറഞ്ഞു

“എന്നാ ഞാനിവിടെ നിന്ന് ചാടി ചാകും മൂന്നു തരം ”

അവൻ ആത്മഹത്യാഭീഷണി മുഴക്കി

“ശങ്കരാ ,,താഴെയിറങ്ങെടാ ” ജഗന്നാഥൻ ഉറക്കെ വിളിച്ചപേക്ഷിച്ചു

“നീ നിന്റെ പണി നോക്കി പോടാ ,, നിനക്ക് വേണ്ടിയാ ഞാനീ ജഗന്നാഥ നാരായണ സ്വാമിയുടെ മണ്ടയിൽ കയറിയിരിക്കുന്നത് , ഞാൻ സത്യമായും ചാകും ,,ചാടി ചാകും , ഭാർഗ്ഗവഇല്ലത്തെ സന്തതി ആദിശങ്കരനാരായണനാ ഈ പറയുന്നത് ”

എല്ലാവരും ഭയത്തോടെ അവനെ പിന്തിരിപ്പിക്കാൻ ശ്രമിച്ചു

മറ്റുള്ളവർ സിവെല്ലൂരി റെഡ്ഢിയെയും

സിവെല്ലൂരി റെഡ്ഢി ആദിയെ നോക്കി.

“എന്നെയിങ്ങനെ നോക്കണ്ട ,, ഞാൻ പറഞ്ഞാ പറഞ്ഞതാ ,,വെറുതെ എന്‍റെ ആത്മാവിനെ ഒരു ബ്രഹ്മരക്ഷസ് ആക്കാൻ നിൽക്കരുത് , തീരുമാനം ഇപ്പോ അറിയണം ,,ഇല്ലേ ഞാനിപ്പോ ചാടും

എല്ലാവരും അതിശയത്തോടെ എന്താ സംഭവിക്കുന്നത് എന്ന് മനസിലാകാതെ നില്‍ക്കുകയാണ്.

“വാക്ക് പറഞ്ഞാ വാക്കാകണം ,, നീരൂന് ജഗന്നാഥനെ ഇഷ്ടമാണെങ്കില്‍ ആലോചിക്കാമെന്ന് മുത്തശ്ശന്‍ തന്നെയല്ലേ പറഞ്ഞത്, ഇപ്പോ എന്തിനാ വാക്ക് മാറ്റുന്നത് , ഇനി ഈ പിള്ളേരുടെ കല്യാണം നടത്താതെ ഞാന്‍ ഇറങ്ങില്ല ,സ്വാമി ജഗന്നാഥനാണ് സത്യം”

ആദി സകലരെയും നോക്കി പറഞ്ഞു

അത് കേട്ടു എല്ലാവരും അത്ഭുതത്തോടെ റെഡ്ഡിയെയും ആദിയെയും നോക്കി

“ഒരു വികാരവും ഇല്ലാതെ നിന്ന റെഡ്ഢിയുടെ മുഖത്തു മെല്ലെയൊരു പുഞ്ചിരി തെളിഞ്ഞുവന്നു, ആ പുഞ്ചിരി ഒരു പൊട്ടിചിരിയായി മാറി ,,,,,,,”

ആർക്കും ഒന്നും മനസ്സിലാകുന്നില്ല

മക്കളും മരുമക്കളും ഭാര്യയും വരെ അദ്ദേഹത്തെ നോക്കി.

അദ്ദേഹം തന്‍റെ ഭാര്യ ജാനകിയെ നോക്കി.

“ഇവരുടെ വിവാഹമങ്ങു നടത്താല്ലേ ,,,ജാനകി ,,,,,,,ഇല്ലേ ഈ ചെറുക്കന്‍ ചാടി ചത്താലോ ,”

അവരത്‌ കേട്ട് നിറയുന്ന കണ്ണുകളോടെ പുഞ്ചിരിച്ചു കൊണ്ട് തലകുലുക്കി

“താഴേ ഇറങ്ങടാ “ അദ്ദേഹം ഉറക്കെ വിളിച്ച് പറഞ്ഞു

ആദി തല ഇടം വലം ഇളക്കി ,, “ഞാനിറങ്ങൂല്ല , കല്യാണം നടത്താതെ ഞാനിറങ്ങൂല്ല , ഞാന്‍ ചാടി ചാകും,,എനിക്കു ചാകണം  “

ഗോവിന്ദ റെഡ്ഡി ഉടനെ നിരൂപമയെയും ജഗന്നാഥനെയും അരികിൽ നിർത്തി

“അപ്പൊ നിനക്ക് കല്യാണം കൂടണ്ടേ ,, ഞാൻ ഇവരെ കല്യാണം കഴിപ്പിക്കാൻ തീരുമാനിച്ചു ”

“സത്യമായും ???”

“ഉവ്വ് ,,,ഈ ജഗന്നാഥ നാരായണ സ്വാമിയാണ് സത്യം ”