അപരാജിതന്‍ 28 [Harshan] 9777

“പിന്നെ നീയെന്തിനാ സിവെല്ലൂരി കുടുംബത്തോട് എന്നും ഒരു മത്സര൦ കാണിച്ചിരുന്നത് ,,നീയെന്തിനാ മറ്റുളവരെ ഭയപ്പെടുത്തി കൊണ്ടിരുന്നത് ?”ആദി ചോദിച്ചു

“വാശി കൊണ്ട് ,, അവർ കൈ വെച്ച സകല മേഖലകളും ഞാൻ വെട്ടിപിടിച്ചു , അവരെക്കാൾ കൂടുതൽ പണമുണ്ടാക്കി ,, പക്ഷെ അവരെക്കാൾ കൂടുതൽ പേരുണ്ടാക്കാൻ എനിക്ക് സാധിച്ചില്ല,, അവർക്കു നാട്ടുകാരിൽ നിന്നും കിട്ടുന്ന ബഹുമാനവും ആദരവും ഒന്നും എനിക്ക് നേടാൻ കഴിഞ്ഞില്ല ,, അത് കിട്ടാതെ വന്നപ്പോ എല്ലാം വെട്ടി പിടിച്ചവന്‍റെ വാശി കൂടി ,,എല്ലാവരു൦ എന്നെ ബഹുമാനിക്കണം ,,അത് പേടി കൊണ്ടാണെങ്കിലും എന്ന് എന്‍റെ ഉള്ളിൽ തോന്നി ,, അതാണ് ഞാൻ എനിക്കിവിടെ ഒരു റൗഡിയുടെ പരിവേഷം അണിഞ്ഞതും ,പക്ഷെ അതെന്നെ ഒരുപാട് സന്തോഷിപ്പിച്ചുകൊണ്ടിരുന്നു ,,ഈ നാട്ടുകാര്‍ക്കൊക്കെ  എന്നെ ഭയങ്കര പേടിയാണെന്നുള്ള സത്യം ”

“നിനക്ക് നീരുവിനോട് ഇഷ്ടം ഉണ്ടെങ്കിൽ അതവളോട് പറയല്ലേ വേണ്ടത് ,,ഞാൻ അറിഞ്ഞിടത്തോളം നീയവളേ കാണുന്നടത്തൊക്കെ വെച്ച് ഭീഷണിപെടുത്തുകയായിരുന്നില്ലേ …?”

“അല്ലാതെ പിന്നെ ഞാനെന്താ ചെയ്യേണ്ടത് ,, ആദ്യം അവളോട് എല്ലാം പറഞ്ഞിരുന്നു , ഞാൻ ജഗന്നാഥനാണ് , ചൈതന്യ മാമിയുടെ മകനാണ് ,,,എങ്കിലും അവൾ അതൊന്നും കേട്ട ഭാവം നടിക്കാതെ പോയപ്പോ ആകെ വിഷമമായി ,, അതാ അവളെ ഭയപ്പെടുത്തി ഇഷ്ടമുണ്ടാക്കാൻ നോക്കിയത് ,, എനിക്ക് ഇതൊക്കെ എങ്ങനെയാ എന്നൊന്നു൦ അറിയില്ല ,, കാശുണ്ടാക്കണമെന്നും നീരുവിനെ സ്വന്തമാക്കണമെന്നും മാത്രമായിരുന്നു ലക്‌ഷ്യം ,,നീരു എന്‍റെ ആയാൽ പിന്നീടാണെങ്കിലും എന്നെ അടിച്ചിറക്കിയിടത്തു ആരതി തന്നു സ്വീകരിക്കില്ലേ”,, ”

ജഗന്നാഥൻ വിഷമത്തോടെ ചിരിച്ചുകൊണ്ട് കണ്ണുകൾ ഒപ്പി

എന്നിട്ടു വാച്ചിൽ സമയം നോക്കി

,ഞാൻ എന്തൊക്കെയോ പറഞ്ഞു നിങ്ങടെ സമയം കളഞ്ഞു ,, നിങ്ങൾക്ക് പോകണ്ടേ ,, അവിടെ ഇനി അടുത്ത ചടങ്ങുകളൊക്കെ ഉള്ളതല്ലേ ,, ” എന്നുപറഞ്ഞു ജഗന്നാഥൻ അടുത്തിരുന്ന തോക്ക് കൈയിൽ എടുത്തു

എന്നിട്ടു ആദിക്ക് നേരെ നീട്ടി

“ഇനി കൊന്നോളൂ ,,,ജീവനോടെ വെച്ചേക്കണ്ട ,,, ഇപ്പോ ആരുമില്ല ,, ”

എന്നുപറഞ്ഞു കൊണ്ട് ജഗന്നാഥൻ കണ്ണ് അമർത്തി തുടച്ചു