അപരാജിതന്‍ 28 [Harshan] 9778

“എന്താ മാൻ നോട്ടമത്ര ശരിയല്ലല്ലോ ?”

അവ൯ ഇടത്തേക്ക് നോക്കി

ദാവണിയൊക്കെ ഉടുത്ത് പാജിയും നല്ല മിടുക്കിയായി വന്നിരിക്കുന്നു.

പ്രദീക് ഓരോ ചടങ്ങുകളും കാമറയിൽ പകർത്തുകയായിരുന്നു.

“എന്‍റെ പാജി ,, ഇത് സുന്ദരികളുടെ നാടല്ലേ ,,നോക്കിക്കേ ,,എന്ത് ഭംഗിയാ ഇവിടത്തെ ഓരോ പെൺകുട്ടികളെയും ,കാണാൻ ,,,,അതും പരമ്പരാഗത വേഷങ്ങൾ കൂടെ ആകുമ്പോ ,, “ആദി അഭിപ്രായം അറിയിച്ചു.

“ഓഹോ ,,എങ്കിൽ ഞാൻ മുത്തശ്ശനോട് പറഞ്ഞു പോകും മുൻപേ തന്‍റെ കല്യാണം കൂടെ നടത്തി തന്നാലോ ”

ഒരു ചിരിയോടെ അവൾ ചോദിച്ചു

“ദേ ,,,പൊക്കോണം ,,, ” എന്നുപറഞ്ഞു കൊണ്ട് അവളുടെ കാതിൽ ഒരു ചെറിയ നുള്ള് അവൻ വെച്ച് കൊടുത്തു.

അപ്പോളേക്കും അവിടത്തെ മനോഹര വേഷങ്ങൾ ധരിച്ച യുവാക്കൾ അവിടെ വലിയ പന്തലിൽ നിരന്നു.

ഒരു കോണിൽ വാദ്യക്കാരും വന്നു നിന്നു.

ഒരു വലിയ കുട്ടയിൽ നിറയെ വർണ്ണക്കടലാസുകൾ പൊതിഞ്ഞ ദാണ്ടിയ കോലുകൾ കൊണ്ടുവന്നു

എല്ലാവർക്കും വിതരണം ചെയ്തു

മേളക്കാർ വാദ്യങ്ങളിൽ താളം ഇട്ടു തുടങ്ങി

ദാണ്ടിയ നൃത്തത്തിനു വേണ്ടിയുള്ള ഗർഭ താളം ഇട്ടു കൊണ്ട് അവർ കൊഴുപ്പിച്ചു.

നൃത്തക്കാർ ജോഡികളായി. താളത്തിനൊത്തു കാലുകൊണ്ട് താളം ചവിട്ടി

ദണ്ടിയ കോലുകൾ മുട്ടിച്ചു൦ തിരിഞ്ഞു൦ താളത്തിനു അനുസൃതമായി നൃത്തം ചെയ്തു കൊണ്ടിരുന്നു.

വിവാഹത്തിനു മുൻപുള്ള ചടങ്ങുകൾക്ക് നിറവും മേളവും പകരുവാൻ അതിമനോഹരമായ നൃത്തം .

താളം മുറുകുന്നതിനനുസരിച്ച് നൃത്തവും മുറുകി.

അപ്പോളേക്കും

ചെക്കന്റേയും പെണ്ണിന്റെയും ബന്ധുക്കളും അവരുടെ ഇടയിലേക്ക് കയറി

അവരും തങ്ങളാൽ ആകുന്ന പോലെ നൃത്തം ചവിട്ടി.

കുടുംബത്തിലെ കുട്ടികൾ വേഗം ചെന്ന് റെഡ്ഢി മുത്തശ്ശനെയും ജാനകി മുത്തശ്ശിയെയും കൊണ്ട് വന്നു നൃത്തം ചെയ്യുന്നവരുടെ നടുക്കിൽ നിർത്തി.

അതോടെ താളം നിലച്ചു , എന്താ സംഭവിക്കാൻ പോകുന്നത് എന്ന് എല്ലാരും ആകാംഷയോടെ നോക്കി.

ആദി വാദ്യക്കാരുടെ അടുത്ത് ചെന്ന് താളം തുടങ്ങാൻ പറഞ്ഞു

അവർ മെല്ലെ ഗർഭ താള൦ മുഴക്കി

ധിന്നധിന്നാ ,,,,,ധിർധിന്നാ ധീ ,,നാ ,,,,,,”

എന്ന നടയിൽ താളം മുഴങ്ങി