അപരാജിതന്‍ 28 [Harshan] 9778

എല്ലാരേയും അമ്പരപ്പിച്ചു കൊണ്ട്  അവരും താളംചവിട്ടി ദണ്ഡിയാ കോലുകൾ മുട്ടിച്ചു

അതോടെ എല്ലാവരും ആവേശത്തിലായി. എല്ലാരും ഒരുമിച്ചു നൃത്ത൦ ചെയ്തു

താളം മുറുകുമ്പോൾ ജോഡികൾ പരസ്പരം കൈ പിടിച്ചു വട്ടം കറങ്ങി താളം ചവിട്ടി കൊണ്ടിരുന്നു

ഏതാണ്ടു മുക്കാൽ മണിക്കൂറോളം നൃത്തവും നീണ്ടു നിന്നു

ആദി ഇടയ്ക്കിടെ മാളികയുടെ പുറത്ത് പോയി നോക്കുമായിരുന്നു

എന്തെങ്കിലും തരത്തിൽ പ്രശനമുണ്ടാക്കാൻ ജഗന്നാഥനോ കൂട്ടരോ വരുന്നുണ്ടോ എന്നറിയുവാനായി ,ഭാഗ്യവശാൽ ആരുമുണ്ടായില്ല

നൃത്തമൊക്കെ കഴിഞ്ഞു എല്ലാവരും ഭക്ഷണം ഒക്കെ കഴിഞ്ഞു

ആദിയുടെ നേതൃത്വത്തിൽ തന്നെ അവരെ അവരുടെ താമസസ്ഥലത്തേക്ക് കൊണ്ട് ചെന്നാക്കി.അവിടെ അവർക്കു സുരക്ഷക്കായി ആയുധം ഒക്കെ കരുതിയ കുറച്ചു പേരെ പുറത്തു നിർത്തിയിട്ടുണ്ടായിരുന്നു .

തിരികെ പോകാൻ നേരം റെഡ്ഢി മുത്തശ്ശനും നന്ദുമാമനും ആദിയുടെ അടുത്തേക്ക് ചെന്നു

“അപ്പൂ ,,,നമുക്കിറങ്ങിയാലോ ,,നാളെ എട്ടുമണി മുതൽ ചടങ്ങുകൾ തുടങ്ങണം ,, അറിയാമല്ലോ ” നന്ദുമാമൻ അവനോടു പറഞ്ഞു

“നിങ്ങൾ പൊക്കോളൂ ,,ഞാനെന്തായാലും ഇന്ന് ഇവിടെ നിൽക്കണം ,,ഇവിടെ നമ്മൾ ആരെങ്കിലു൦ വേണ്ടേ ”

ആദി പറഞ്ഞു

“മോനെ ,, അതിനിവരൊക്കെയില്ലേ ,,മോൻ വാ ,, ഒരുപാട് ക്ഷീണം കാണില്ലേ മോന് ” അവന്‍റെ ചുമലിൽ പിടിച്ചു മുത്തശ്ശൻ ഉപദേശിച്ചു

അവനതു കേട്ട് ചിരിച്ചു

“മുത്തശ്ശാ ,,,,,,ഇനിയീ കല്യാണം കഴിയുന്നത് വരെ ,,ക്ഷീണമൊക്കെ ഞാൻ അങ്ങ് മറന്നു ,, അവിടെ നിങ്ങൾ നോക്കിയാൽ മതി ,, ജഗന്നാഥനെ വിശ്വസിക്കാൻ പറ്റില്ല ,, അതാ ഞാൻ ഇവിടെ വേണമെന്ന് പറഞ്ഞത് ,, ഇവരുടെ സുരക്ഷക്ക് ഈ കാവൽക്കാർ മാത്രമുണ്ടായാൽ പോരാ ,,,,,നിങ്ങൾ ധൈര്യമായി പൊയ്ക്കോ ,, പിന്നെ എന്ത് പ്രശ്നമുണ്ടെങ്കിലും എന്നെ വിളിക്കണം ,, ചിലപ്പോ അവൻ രണ്ടിടത്തും ആക്രമിക്കാനുള്ള സാധ്യത തള്ളികളയാൻ പറ്റില്ല ,,, ”

ഒടുവില്‍ മുത്തശ്ശൻ ആദി പറഞ്ഞത് അനുസരിച്ചു കൊണ്ട് നന്ദുമാമനെയും കൂട്ടി അവിടെ നിന്നും തിരിച്ചു

<<<<<O>>>>>