അപരാജിതന്‍ 28 [Harshan] 9774

അപ്പോളേക്കും റെഡ്ഢി മുത്തശ്ശനും നന്ദുമാമനും കാര്യക്കാരും വേഗം അവിടേക്കു പാഞ്ഞെത്തിയിരുന്നു,

അവർ നോക്കുമ്പോൾ

മാളികയുടെ പോർട്ടിക്കോയിൽ സകലരും നീണ്ടു നിവർന്നു കിടക്കുന്നു

“ഞാൻ പറഞ്ഞതല്ലായിരുന്നോ നിങ്ങളിങ്ങോട്ട് വരണ്ട എന്ന് ,,, ” ആദി അവരോടു ചോദിച്ചു

അനിരുദ്ധനും വീട്ടുകാരും ആകെ ഭയന്നിരിക്കുകയായിരുന്നു.

‘നിങ്ങൾ ഒന്ന് കൊണ്ട് പേടിക്കണ്ട ,,ഇവിടെ ഒരുത്തനുണ്ട് ,, വലിയൊരു ശല്യക്കാരനാ,, അവന്‍റെ ആളുകളാ .. അതൊക്കെ ഞങ്ങൾ തന്നെ ശരിയാക്കിയിട്ടുണ്ട് ,, നിങ്ങള് ധൈര്യമായി പോയി കിടന്നോ ,,ഇനി ഒരു പ്രശ്നവുമുണ്ടാകില്ല ,, ” എന്നുപറഞ്ഞു ആദി പുറത്തു കൂട്ടം കൂടി നിന്ന അവരെ പറഞ്ഞയച്ചു

അവിടെ ബോധം പോകാതെ കിടന്ന ഒരാളുടെ ഫോൺ എടുത്ത് അതിൽ ജഗന്നാഥന്‍റെ നമ്പർ എടുത്ത് ആദി ജഗന്നാഥനെ വിളിച്ചു . ജഗന്നാഥൻ ഫോണിനായി കാത്തിരിക്കുകയായിരുന്നു

അയാൾ വേഗം ഫോൺ എടുത്തു.

“എന്തായി ,,അവരെ പറഞ്ഞയച്ചോ ?” ജഗന്നാഥൻ തന്‍റെ ആൾ ആണെന്ന് കരുതി ആദിയോട് ചോദിച്ചു.

“എടാ പന്നി …. ഞാൻ നിന്നോട് പറഞ്ഞതല്ലേ ,, നീ എന്തൊക്കെ ചെയ്താലും നീരുവിന്‍റെ കല്യാണം നടത്തുമെന്ന് ,,”

ഒരു നടുക്കത്തോടെ ജഗന്നാഥൻ നമ്പറിൽ ഒന്ന് നോക്കി ഉറപ്പ് വരുത്തി

“നീ ,,,നീ ,,,,,” എന്ന് ചോദിച്ചു

“അതേടാ ,,ഞാൻ തന്നെ ,, നീ പറഞ്ഞു വിട്ടവരെയൊക്കെ ഇവിടെ കൂട്ടിയിട്ടിട്ടുണ്ട്‌ ,, വേണമെങ്കിൽ ആരെയെങ്കിലും വിട്ട് എടുത്തോണ്ട് പൊക്കോ ,, വേഗം പറഞ്ഞു വിട്ടേക്കണം ,, ”

ജഗന്നാഥൻ അത് കേട്ട് കോപത്തോടെയലറി

“നിക്ക് ,,നിക്ക്,,,അലറലോക്കെ നിർത്ത് ,,, ഇതോടെ നിർത്തണം,,,നിർത്തിയേക്കണം ,, ഞാനിവിടെയുള്ളപ്പോ നിന്‍റെ ഒരു ഉദ്ദേശവും നടക്കാൻ പോകുന്നില്ല ”

“അതിനു നീയുണ്ടായിട്ടു വേണ്ടേ ,,,?,,,” ജഗന്നാഥൻ കോപത്തോടെ പറഞ്ഞു

അതുകേട്ടു ചിരിച്ചു കൊണ്ട് ആദി ഫോണിൽ പറഞ്ഞു

“മോനെ ,,ജഗന്നാഥാ ,,, ഞാനുണ്ടാകണോ വേണ്ടയോ എന്നത് നീയല്ല തീരുമാനിക്കേണ്ടത് ,,അത് മഹാദേവൻ തന്നെ തീരുമാനിക്കണം ..പക്ഷെ നീ ഉണ്ടാകണോ വേണ്ടയോ എന്നത് ഞാൻ മാത്രം തീരുമാനിച്ചാൽ മതി ,, നിന്നെ ഇല്ലാണ്ടാക്കണമെന്നു ഞാൻ തീരുമാനിച്ചാൽ നീ ഏതു കാലിന്‍റെ എടേലു പോയി ഒളിച്ചാലും അവിടെ ഞാൻ വന്നിരിക്കും ,,വെച്ചിട്ടു പോടാ ,,,,,”