അപരാജിതന്‍ 28 [Harshan] 9778

“സമ്മതം ,,,,,,,”

ഗോവിന്ദ റെഡ്ഢി എല്ലാരും കേൾക്കെ പറഞ്ഞു

അതുകേട്ടു ജഗന്നാഥന്‍റെ മുഖം പ്രസന്നമായി

“പക്ഷെ അതിനൊരു വ്യവസ്ഥയുണ്ട് ,,അത് പാലിക്കാൻ നീ ബാധ്യതപ്പെട്ടവനാണ് ”

“ഏതു വ്യവസ്ഥയും പാലിക്കാ൦ പെരിയോരെ ”

ജഗന്നാഥൻ മറുപടി പറഞ്ഞു.

അല്പം നേരം ആലോചിച്ചു കൊണ്ട് സിവെല്ലൂരി ഗോവിന്ദ റെഡ്ഢി വ്യവസ്ഥ പറഞ്ഞു

നിന്‍റെ അമ്മയെ ഞങ്ങളുടെ മകളായി അംഗീകരിച്ചുകൊണ്ട് നിന്നെ സിവെല്ലൂരി ജഗന്നാഥ റെഡ്ഢിയായി , ഇവിടത്തെ കൊച്ചു മകനായി ഒരു പേരക്കുട്ടിക്ക് വേണ്ട സകല അവകാശങ്ങളും സ്നേഹവാത്സല്യങ്ങളും നൽകി നിന്നെ ഞങ്ങൾ ഈ കുടുംബത്തിലേക്ക് സ്വീകരിക്കും

അതിനു രണ്ടു വ്യവസ്ഥകളുണ്ട്

ഒന്ന് : ഇത് ഒരേ ഒരു ദിവസത്തേക്ക് മാത്രമായിരിക്കും അതായതു 24 മണിക്കൂർ നേരം

രണ്ട് : നിന്‍റെതായി നീ സമ്പാദിച്ച സകലമാന സ്വത്തുവകകളും നീ ഈ കുടുംബത്തിലേക്ക് വരവ് ചേർക്കണം , ഇവിടെ നിന്നും ഇറങ്ങുമ്പോൾ നിന്‍റെ കൈയിൽ ഒരു രൂപ പോലും ഉണ്ടാകാൻ പാടില്ല

ഇത് സമ്മതം ആണെങ്കിൽ മാത്രം ,

അല്ലെങ്കിൽ നിനക്ക് തിരിച്ചു പോകാം

എല്ലാവരും കേൾക്കെ ഗോവിന്ദ റെഡ്ഢി മുത്തശ്ശൻ പ്രഖ്യാപിച്ചു.

<<<<O>>>>

“സമ്മതമാണ് ,,,,”

ജഗന്നാഥന്‍ അത് പറഞ്ഞതും കേട്ടവർ ഞെട്ടി

കോടികളുടെ ആസ്തിയുള്ളവന്‍ ഈ കാര്യത്തിനായി തന്‍റെ സകലസ്വത്ത് ക്കളും ഉപേക്ഷിക്കുന്നത് കണ്ടിട്ട്

അവൻ വേഗം അവന്‍റെ ലീഗൽ അഡ്വൈസറേ ഫോണിൽ വിളിച്ചു

വേഗം അങ്ങോട്ടേക്ക് വരാനായി പറഞ്ഞു.

ഇരുപതു മിനിട്ടു കൊണ്ട് വേമാവരം സ്വദേശിയായ ലീഗൽ അഡ്വൈസർ ബ്രഹ്മനന്ദ൦ അങ്ങോട്ടേക്ക് വന്നു , അയാളുടെ കയ്യിൽ ഒരു സ്യുട്കേസിൽ നിറയെ പ്രമാണങ്ങളും മറ്റുമായിരുന്നു.