അപരാജിതന്‍ 28 [Harshan] 9777

ഫയൽവാൻമാർ തോളിലും കൈപേശിയിലും തുടയിലും അടിച്ചു കൊണ്ട് ഒരുമിച്ചു പോരാട്ടത്തിനുള്ള പോർവിളിമുഴക്കി

“ജയ് വജ്രാ൦ഗ ബലി “

“ജയ് വജ്രാ൦ഗ ബലി “

“ജയ് വജ്രാ൦ഗ ബലി “

ആ പോർവിളി ആദിയുടെ കാതുകളിലേക്ക് അലയൊലിയായ് വന്നു പതിച്ചു കൊണ്ടിരുന്നു.

“ജയ് വജ്രാ൦ഗ ബലി ” എന്നോ എവിടെയോ കേട്ട് മറന്ന പോർവിളിസ്വരങ്ങൾ

ഈ ജന്മത്തിലല്ല ,,സ്വപ്നത്തിലുമല്ല ,,, പിന്നെ ,,,പൂർവ ജന്മത്തിലോ ,,”

അവൻ വജ്രാ൦ഗ ബലിയായ, രുദ്രതേജാ൦ശമായ മഹാവീര ഹനുമാന്‍റെ ഉയരമുള്ള കരിങ്കൽപ്രതിമയിലൊന്നു നോക്കി.

ഒരു മായകാഴ്ച പോലെ ചുറ്റും കരഘോഷം മുഴക്കുന്ന കാണികൾ

അവരൊക്കെ പൗരാണികമായ വേഷഭൂഷാദികൾ അണിഞ്ഞു നിൽക്കുന്നു

അങ്ങനെ അവൻ മായകാഴ്‌ചയിൽ സ്വയം മറന്നു നിന്ന നേരമാണ്

നെഞ്ചിൽ ശക്തിയിൽ കൈ പതിഞ്ഞതും

അവൻ പിന്നിലേക്ക് മറഞ്ഞ് വീണതും.

അവൻ പെട്ടെന്ന് സ്വബോധത്തിലേക്ക് വന്നു.

“അപ്പൂ ,,,,,,,” എന്ന് ഭയത്തോടെ നന്ദുമാമൻ അവനെ വിളിച്ചു

കളത്തില് വീണ അവൻ ചുറ്റും നോക്കി

കാണികളാരുമില്ല.

അവൻ വേഗം ചാടി എഴുന്നേറ്റു

അതിവേഗം ഒരു കാളയെ പോലെ മുന്നിലേക്ക് കുതിച്ചു

നിരന്നു നിൽക്കുന്നവരുടെ നെഞ്ചിൽ തലകൊണ്ടിടിച്ചു അതിവേഗം മുന്നോട്ടു പോയി

അവന്‍റെ ശിരോപ്രഹരം ഏറ്റ അഞ്ചോളം പേര് പിന്നിലേക്ക് മറിഞ്ഞു വീണു.

അവന്‍റെ തല ലക്ഷ്യമാക്കി തലയോട് തകർക്കുവാനായി വലിയ ഭാരമുള്ള മര ഗദ അതിവേഗം അതിലൊരു ഫയൽവാൻ വീശിയതും പെട്ടെന്ന് തന്നെ തല കുമ്പിട്ടു ഓടുന്ന വഴിയെ മുട്ടുകുത്തി ഉടൽ പിന്നിലേക്ക് വളച്ചു കൊണ്ട് വന്നതു൦ ഭാരമേറിയ മരഗദ കാറ്റുണ്ടാക്കി പിന്നിലേക്ക് കടന്നു

ആദി ഓടി വന്ന ആയത്തിൽ കളത്തിലൂടെ മുട്ടിൽ നിരങ്ങി നീങ്ങി മുന്നിൽ ലങ്കോട്ടി ധരിച്ചു നിൽക്കുന്ന രണ്ടു ഫയൽവാന്മാരുടെ കാലിൽ പിടിച്ചു മുകളിലേക്ക് ഉയർന്നു നിന്നവരെ മുകളിലേക്ക് ഉയർത്തി ഇരുവശത്തേക്കുമായി വലിച്ചെറിഞ്ഞു.