അപരാജിതന്‍ 28 [Harshan] 9801

“ജഗന്നാഥാ ,,,,ഭക്ഷണം കഴിച്ചിട്ടു നീ ഇവളെയും കൊണ്ട് ഇപ്പോ തന്നെ ഇവിടത്തെ രാത്രീയുടെ ഭംഗി ആസ്വദിച്ചു മുകളിലത്തെ ആകാശവും നക്ഷത്രങ്ങളും ഒക്കെ നോക്കി നടക്ക് ,,കുറെ സ്വപ്നങ്ങൾ പങ്കു വെക്ക് ,,, ഉള്ളിൽ ഒരു വിഷമവും ബാക്കി വെക്കേണ്ട ,,,”

അവിടെ എല്ലാവര്ക്കും ഭക്ഷണം വിളമ്പുകയായിരുന്നു.

അവര്‍ മൂവരും അവിടെയെത്തി

ജഗന്നാഥനും നിരുപമയും ഗോവിന്ദറെഡ്ഢിയുടെയും ജാനകിദേവിയുടെയും ഇടയിലായി ഇരുന്നു.ആദി ഗോവിന്ദ റെഡ്ഢി മുത്തശ്ശന് ഇപ്പുറവും.

അവനെ കണ്ടു മുത്തശ്ശൻ ഒന്ന് ചിരിച്ചു

“‘കള്ള റെഡ്ഢി,,,” അവൻ ഇത്തിരി ഉറക്കെ തന്നെ അദ്ദേഹത്തെ വിളിച്ചു.

ആ വിളി എല്ലാവരും കേട്ടു.

സിവെല്ലൂരി ഗോവിന്ദ റെഡ്ഡിയെ അങ്ങനെ വിളിച്ചപ്പോള്‍ എല്ലാവരും അത്ഭുതത്തോടെ അവനെ നോക്കി

“നമ്മള് തമ്മിലുള്ള എഗ്രിമെന്റ് എന്തായിരുന്നു , ജഗന്നാഥനെ ഒന്ന് കുടയുന്നു , നിരുപമയ്ക്ക് ഇഷ്ടമുണ്ടെങ്കിൽ അവൾ അവനോടൊപ്പം നിൽക്കുന്നു , അവളുടെ ഇഷ്ടം തിരിച്ചറിഞ്ഞാൽ അപ്പോ നമ്മളവരുടെ കല്യാണം തീരുമാനിക്കുന്നു , ഇങ്ങനെയല്ലായിരുന്നോ ?”

എല്ലാരും കാണെ അദ്ദേഹം തല കുലുക്കി.

“പിന്നെ ഈ സ്ക്രിപ്ടില്‍ പ്പെടാത്ത അഭിനയം എന്തിനാ കാണിച്ചത്  അതും എന്നോട് പറയാതെ?  ”

അദ്ദേഹം എല്ലാവരെയും ഒന്ന് നോക്കി

“അത് മോനെ , ചെറുപ്പം മുതലേ നാടകഭ്രമം എനിക്കിത്തിരി കൂടുതലാ , ചെറുപ്പത്തിൽ കുടുംബശാസ്ത്രിയുടേയു൦ ഗോപാലറാവുവിന്റേയും പാസുപുലെത്തി കണ്ണമ്മയുടെയും ഒക്കെ നാടകങ്ങൾ കണ്ടു രസിച്ചിരുന്ന എനിക്ക് , കുറെയങ്ങു ആവേശം കയറി പോയി , അതാ അങ്ങനെ പറ്റിപ്പോയത്, അബദ്ധമായി പോയി ” അദ്ദേഹം എല്ലാരും കേൾക്കെ ഒരു കള്ളപുഞ്ചിരിയോടെ ക്ഷമ ചോദിച്ചു .

“ഹോ ,,എന്‍റെ നല്ല ജീവനങ്ങു പോയി , എന്നെയങ്ങു ഭയപ്പെടുത്തികളഞ്ഞു ,അന്യായ പെർഫോമൻസ് ആയിരുന്നു, ”

അദ്ദേഹം ആ വാക്കുകളിൽ ഒന്ന് ഞെളിഞ്ഞിരുന്നു.