അപരാജിതന്‍ 28 [Harshan] 9801

അവൻ ആ കൽപടവിൽ ഇരുന്നു

ആരും കൂട്ടിനില്ലാതെ , തനിയെ .

കാല്‍മണിക്കൂര്‍ കഴിഞ്ഞു കാണും

അങ്ങോട്ടേയ്ക്ക് ജഗന്നാഥനും നിരുപമയു൦ കൂടെ ഓടി വന്നു.

ആദി വേഗം എഴുന്നേറ്റു

“ജഗന്നാഥാ,,,, ഇതെന്‍റെ കഥയാ ,,,ഈ കഥയിൽ ഞാനായിരുന്നു ഓൾ ഇൻ ഓൾ,, ഞാൻ ചക്രം പൊക്കിയോടിയതും അഖാഡയിൽ ഇടിയുണ്ടാക്കിയതും നിന്നെ ഒടിച്ചു നുറുക്കി സ്വർണ്ണം തിരിച്ചെടുത്തതും ആരുമിപ്പോ പറയുന്നു പോലുമില്ല ,,എല്ലാർക്കും ഇപ്പോ ജഗന്നാഥന്‍റെ ഗുണങ്ങൾ വാഴ്ത്താൻ മാത്രേ നേരമുള്ളൂ ,,, ആക്ഷനും സെന്റിമെൻസും റൊമാന്സും കോമഡിയും ഒക്കെ ചെയ്തു കൊണ്ടിരുന്ന എന്നെ ഒരു മൂലക്കാക്കിയിട്ടു മികച്ച സ്വഭാവനടനുള്ള പുരസ്‌കാരം നീയടിച്ചെടുത്തല്ലേടാ ”

ഒരു ചിരിയോടെ ആദി ഇരുവരും കേൾക്കെ പറഞ്ഞു

അതുപറഞ്ഞതും തുളുമ്പുന്ന കണ്ണുകളോടെ ജഗന്നാഥൻ “നീയല്ലെടാ ഞങ്ങളുടെ നായക൯ : എന്നു പറഞ്ഞു കൊണ്ട് അവന്‍റെ കാലിൽ കുമ്പിടാൻ കുനിഞ്ഞു.

“അയ്യേ എന്തായിത് ,,,” എന്ന് പറഞ്ഞു കൊണ്ട് അവരെ അവന്‍ തടഞ്ഞു.

“ഞാൻ വെറുതെ പറഞ്ഞതല്ലേ ,,, ഇത് വേമാവരം ,,,ഈ കഥയില്‍ നായക൯ നീയും നായിക നിരുപമയുമാ പക്ഷേ ഇതിലെ സൂപ്പര്‍ സ്റ്റാര്‍ അത് നമ്മുടെ സിവെല്ലൂരി ഗോവിന്ദ റെഡ്ഡി മുത്തശ്ശനാ ,,പിന്നെ മെഗാസ്റ്റാര്‍ ,,അത് നമ്മുടെ സ്വാമി ജഗന്നാഥ നാരായണനും,,,,,” എന്ന് പറഞ്ഞു ചിരിച്ചുകൊണ്ടു ജഗന്നാഥനെ ശങ്കരൻ കെട്ടിപിടിച്ചു.

ജഗന്നാഥൻ നീരുവിനോട് തലേന്ന് വൈകുന്നേരം നടന്ന സംഭവം വിശദീകരിച്ചു.

*******

സന്ധ്യ കഴിഞ്ഞ്

നീരുപമ ബംഗ്ളാവിൽ

ജഗന്നാഥൻ എല്ലാം കൊണ്ട് തകർന്നു അവനവൾക്കായി പണി കഴിപ്പിച്ച കോവിലിന്‍റെ പടിയിൽ ഇരിക്കുകയായിരുന്നു.

അപ്പോളാണ് അതി വേഗം ആദിയുടെ ജീപ്പ് ബംഗ്ലാവിനുള്ളിലേക്ക് പാഞ്ഞു വന്നത്.

ജീപ്പിൽ നിന്നും ചാടിയിറങ്ങി

ആദി ജഗന്നാഥനെ അന്വേഷിച്ചു

തോട്ടക്കാരൻ ജഗന്നാഥൻ കോവിലിൽ ഉണ്ടെന്നുപറഞ്ഞു.

ആദി വേഗം അങ്ങോട്ടേക്ക് നടന്നു.

ആദിയെ കണ്ടു എന്തെന്നറിയാതെ ജഗന്നാഥൻ എഴുന്നേറ്റു

“നീ നേരത്തെ ഒരു കാര്യം പറഞ്ഞിരുന്നു നിനക്ക് കുലമഹിമയില്ല ,,വിദ്യാഭ്യാസമില്ല ,,,കാണാനും അഴകില്ല ,, അമ്മയില്ല ,,അച്ഛനില്ല ,,സഹോദരങ്ങളില്ല ,, ബന്ധുക്കളില്ല ,,,ഒന്നുമില്ല ,,, ഇതൊക്കെ ഉണ്ടായിരുന്നെങ്കിൽ നീരു ഈ ജഗന്നാഥൻറെ സ്വന്തമായേനെയെന്ന് ”

ജഗന്നാഥൻ തല കുനിച്ചു നിന്നു