അപരാജിതന്‍ 28 [Harshan] 9797

ആദി ചിരിച്ചുകൊണ്ട് ജഗന്നാഥനെ നോക്കി

“ജഗന്നാഥാ ,,,,,,,,,, എന്‍റെ പേര് ശങ്കരനെന്നാ ,,,,,,ആദിശങ്കരൻ ,,,ശങ്കരൻ ഏതു നാട്ടിലും വരും ,, വന്നാ മര്യാദയ്ക്ക് ആണെങ്കിൽ മര്യാദയ്ക്ക് ,, അല്ലെങ്കിൽ തിരിച്ചും,, നിന്നോട് ഒടുക്കമായി ഞാൻ പറയാ ,,,സിവെല്ലൂരി കുടുംബത്തിൽ ഇപ്പോ ഞാനുമുണ്ട് ,,,ആ കുടുംബത്തിലെ ഒരംഗമായി ,, റെഡ്ഢിമുത്തശ്ശന്‍റേ കൊച്ചുമകനായി ,, അപ്പൊ നീയിനി എന്തൊക്കെ പ്ലാൻ ചെയ്താലും നീരുവിന്‍റെ കല്യാണം നടന്നിരിക്കും ,,നടത്തിയിരിക്കും ,,എല്ലാത്തിനും മുൻപിലായി ഈ ആദിശങ്കരനുമുണ്ടാകും ,,,,, ”

അത് കൂടെ കേട്ടതോടെ ജഗന്നാഥന് ഹാലിളകി

“പിന്നെ ,, ഇനി നീ നീരുവിനെ ഭീഷണിപെടുത്തുന്നത് കൂടെ നിർത്തിക്കോ ,,,”

“ഇല്ലേ ,,നീ എന്ത് ചെയ്യുമെടാ ,,,,,,,,നിനക്കെന്നെ അറിയില്ല ,,,നീയൊരു ബ്രാഹ്മണനായത് കൊണ്ട് മാത്രം ഞാന്‍ ക്ഷമിക്കുന്നതാ ” ജഗന്നാഥൻ ഉഗ്രകോപത്തോടെ പറഞ്ഞു

“നിനക്കെന്നെയുമറിയില്ല ,,, അറിയണമെങ്കിൽ നീ മിഥിലയിൽ ആളെവിട്ടന്വേഷിച്ചാൽ മതി ,, പിന്നെ എന്‍റെയച്ഛ൯ ബ്രാഹ്മണനാണെന്ന് കരുതി എന്നെ നീ അതില്പ്പെടുത്തണ്ട,, മനസ് കൊണ്ടും ശരീരം കൊണ്ടും ആത്മാവു കൊണ്ടും ഞാ൯ ചണ്ഡാലനാ ,, തീണ്ടാപ്പാട് അകലെ നിര്‍ത്തേണ്ട ചണ്ഡാലന്‍ ,, ബ്രാഹ്മണനും ക്ഷത്രിയനും വൈശ്യനു൦ ശൂദ്രനും മേലെ നില്‍ക്കുന്ന ചണ്ഡാല൯ ,,,,,,കേട്ടോടാ ,,,,,നായെ ,,,, ,,,,,,” കോപത്തോടെ ആദിയും പറഞ്ഞു

“ആദി ,,,,” എന്ന് വിളിച്ചു കൊണ്ട് റെഡ്ഢി മുത്തശ്ശൻ അവനു സമീപം വന്നു

ദേഷ്യത്തോടെ ജഗന്നാഥനെ ഒന്ന് നോക്കി

എന്നിട്ട് ആദിയെയും വിളിച്ചു കൊണ്ട് തിരിഞ്ഞു നടന്നു

“പെരിയോരെ …… ” ജഗന്നാഥൻ റെഡ്ഢി മുത്തശ്ശനെ വിളിച്ചു

അദ്ദേഹം തിരിഞ്ഞു നോക്കി

“ചതി ഞാൻ ചെയ്യും,, പക്ഷെ കാളയോട്ടത്തിൽ ഞാനത് കാണിക്കില്ല, എന്‍റെ വണ്ടി ഞാൻ മനഃപൂർവ്വം മുട്ടിച്ചതല്ല ,,, ” ജഗന്നാഥന്‍ തലയിൽ കെട്ടിയ തോർത്തും അഴിച്ചു കൊണ്ട് തോളത്തു ഇട്ട് നടന്നു

പക്ഷെ പിന്തിരിഞ്ഞു ഒന്ന് കൂടെ വിളിച്ചു

“പെരിയോരെ ,,,,,,കല്യാണത്തിന് ഇനിയും സമയമുണ്ട് ,,,,, ഞാൻ പറഞ്ഞാൽ പറഞ്ഞത് തന്നെയാ ,,,”

ജഗന്നാഥന്‍ മണ്ണിൽ ആഞ്ഞു തുപ്പി തിരിഞ്ഞു നടന്നു. ഇടയ്ക്ക് ആദിയെ കൂടെ ഒന്ന് മുഖം തിരിച്ചു നോക്കി

അതെ സമയം തന്നെ ആദിശങ്കരനും അവനെ നോക്കി

ശങ്കരനും ജഗന്നാഥനും മുഖാമുഖം

ഒരു വലിയ യുദ്ധത്തിന്‍റെ കാഹളമുയർത്തികൊണ്ടുതന്നെ ,,,

*****