അപരാജിതന്‍ 28 [Harshan] 9801

അത് കേട്ടപ്പോൾ അവന്‍റെ മുഖം നൂറു വോൾട്ട് ബൾബ് മിന്നിയപോലെയായി

“ഇപ്പോ വരാവേ ,,,,”

അവൻ മന്ദിരത്തിനു മുകളിൽ നിന്നും താഴെയിറങ്ങി.

എല്ലാവരും അത് കണ്ടു ചിരിച്ചു

“അല്ല പിന്നെ ,,എന്നോടാ കളി ”

നീരുവും ജഗന്നാഥനും ഒന്നും വിശ്വസിക്കാനാകാതെ നില്‍ക്കുകയായിരുന്നു.

ആദി അവരുടെ കൈ പിടിച്ച് മണ്ഡപത്തിലേക്ക് വേഗം കൊണ്ട് പോയി

മണ്ഡപത്തിനു സമീപമിരുന്ന മേളക്കാരോട് “മ്യുസിക്കിട് ,,,മ്യുസിക്കിട് ” എന്ന് ഉറക്കെ നിർദേശിച്ചു.

അതോടെ സകല വാദ്യങ്ങളും മുഴങ്ങി.

അവിടെ വലിയ പൂക്കൊട്ടകളില്‍ ഇരുന്ന പൂക്കള്‍ വാരി അവന്‍ അവരിരുവരുടെയും മുകളിലേക്കു ചൊരിഞ്ഞു.

അത് കണ്ടവരും വന്നു അവരെ പൂക്കള്‍ കൊണ്ട് മൂടി

അത്രയേറെ സന്തോഷമുണ്ടായിരുന്നു എല്ലാവര്‍ക്കും.

<<<O>>>

ആദി ഒരു പുഞ്ചിരിയോടെ അവർക്കു സമീപമെത്തി

ഞാൻ പറഞ്ഞു തരാം കാര്യങ്ങൾ എന്നുപറഞ്ഞു ആദി തുടർന്നു

“ഞാൻ നീരുവിനോട് പറഞ്ഞ കാര്യങ്ങൾ നമ്മളെ മുത്തശ്ശൻ കേട്ടിരുന്നു , പിന്നെ ഇന്നലെ നീരുവിനെ നിനക്ക് തന്നപ്പോൾ അവളുടെ സന്തോഷം നഷ്ടമാകാതെ ഇരിക്കാൻ നീ അവളെ തിരിച്ചേൽപ്പിച്ചപ്പോ മുത്തശ്ശനതൊരു ഷോക്കായി ,, പിന്നെ ഒരു ദിവസത്തേക്ക് വേണ്ടി ആണെങ്കിൽ പോലും ഇവിടത്തെ കൊച്ചുമകനാകാന്‍ നീ സകല സ്വത്തും മുത്തശ്ശന് കൊടുക്കുക കൂടെ ചെയ്തപ്പോൾ മുത്തശ്ശനാകെ വിഷമത്തിലായി ,, :

“മുത്തശ്ശനു നേരത്തെ അറിയാമായിരുന്നു നീരുവിന്‍റെ ഉള്ളിൽ എന്തോ വിഷമമുണ്ടെന്ന് ,, അറിയാമല്ലോ ,,മുത്തശ്ശൻ ഒരു കാര്യം മനസ്സിൽ കരുതിയാൽ അത് ആരോട് പോലും ,ചോദിക്കില്ല , പക്ഷെ ഇന്ന് വൈകുന്നേരമായപ്പോള്‍ മുത്തശ്ശനും ടെൻഷനിലായിരുന്നു , നീരു അനിരുദ്ധനെ വിവാഹം കഴിക്കാനാണ് ഇഷ്ടപ്പെടുന്നതെങ്കിൽ എങ്ങനെ ജഗന്നാഥന് വിവാഹം കഴിപ്പിച്ചു കൊടുക്കും, നീരു ആണെങ്കിൽ ഉള്ളു തുറന്നൊന്നും പറയുന്നുമില്ല

“ഇന്നെന്നെ മാറ്റി നിർത്തി ചോദിച്ചു ,,ഈ വിവാഹം ഒഴിവാക്കി നീരുവിനെ ജഗന്നാഥന് കൊടുക്കട്ടെയെന്ന് ,,,ഞങ്ങൾക്ക് രണ്ടുപേർക്കുമല്ലാതെ ഈ കാര്യം വേറെയാർക്കുമറിയില്ലായിരുന്നു ,ഞങ്ങള്‍ രണ്ടു പേരും ചെറുക്ക൯ വീട്ടുകാരുടെ അടുത്തു പോയി സംസാരിച്ചു, വിവാഹം നടക്കാതെ പോകുകയാണെങ്കില്‍ ഇരുപതു ലക്ഷം രൂപയ്ക്കു വിവാഹം ഒഴിയുവാനും അവര്‍ തയ്യാറായിരുന്നു “

ആദി ജഗന്നാഥന്‍റെ തോളില്‍ കൈവെച്ചു പറഞ്ഞു.