അപരാജിതന്‍ 28 [Harshan] 9797

“മുത്തശ്ശാ ,,അപ്പൊ എങ്ങനാ തീരുമാനം ?” ആദി അല്പം ഗൗരവത്തോടെ ചോദിച്ചു

“എന്ത് തീരുമാനം ?” അദ്ദേഹം അവനോടു തിരിച്ചു ചോദിച്ചു

“മുത്തശ്ശാ ,,,ഈ പിള്ളേരെ ഈ ജന്‍മത്തില്‍ തന്നെയങ്ങോട്ട് ഒരുമിപ്പിച്ചാലോ ,അടുത്തജന്മം വരെയൊക്കെ കാക്കണോ ?”

എല്ലാരും കേൾക്കെ ആദി ഉറക്കെ ചോദിച്ചു.

അദ്ദേഹം ആദിയെ ഒന്നു നോക്കി

“എന്നെ ഇങ്ങനെ നോക്കിയിട്ട് ഒരു കാര്യവുമില്ല ,, നിങ്ങള് വാശിയിലാണെങ്കില്‍ ഞാനും വാശിയിലാ .,,,,,,, തീരുമാനം ഇപ്പോ പറയണം ,, ഈ പിള്ളേരുടെ കല്യാണം നടത്തുമോ ഇല്ലയോ ?,,”

“ഈ സിവെല്ലൂരി ഗോവിന്ദ റെഡ്ഡിയെ തിരുത്താനും ഉപദേശിക്കാനും ,, റെഡ്ഢിയുടെ തീരുമാനങ്ങൾക്ക് എതിര് നിൽക്കാനും ആരും വളര്‍ന്നിട്ടില്ല “അവന്‍റെ മുന്നില്‍ നിന്നുകൊണ്ട് തന്‍റെ മീശയൊന്ന് പിരിച്ചു ഗൌരവത്തോടെ സിവെല്ലൂരി ഗോവിന്ദറെഡ്ഡി ചോദിച്ചു.

അദ്ദേഹത്തിന് മുന്നിൽ നിന്ന് കൊണ്ട് ആ കണ്ണുകളിൽ നോക്കി എന്തും ചെയ്യുമെന്ന ഭാവത്തോടെ ആദിയും തന്‍റെ മീശ പിരിച്ചു

“തിരുത്താനും ഉപദേശിക്കാനും ആരും വളരാത്തത് കൊണ്ടാ ജഗന്നാഥനു ഈ കൂടുംബത്തിൽ ജീവിക്കാൻ സാധിക്കാതെ പോയത്,,പിന്നെ എന്‍റെ മുന്നിൽ എനിക്ക് തിരുത്തപെടേണ്ടത് എന്ന് തോന്നിയാൽ അത് ആരോടായാലും ഞാൻ പറയും,,, അവിടെ പ്രായവും പ്രമാണിത്വവുമൊന്നും ഞാൻ നോക്കില്ല ,, സിവെല്ലൂരി ഗോവിന്ദ റെഡ്ഢിയോട് അവസാനമായി തന്നെ ഞാൻ ചോദിക്കുകയാണ് ,, ഇവരെ വിവാഹം കഴിപ്പിക്കുമോ ഇല്ലയോ …?.”

എല്ലാവരും അതുകേട്ടു ഭയന്നു.

ഇങ്ങനെ സിവെല്ലൂരി റെഡ്ഢിക്കു മുന്നിൽ ആരും എതിര് നിന്നിട്ടില്ല മക്കൾ പോലും.

“അരുത് ശങ്കരാ ,,,,,പെരിയോരോട് അങ്ങനെയൊന്നും പറയരുത് ,, ” ജഗന്നാഥൻ അവനെ വിലക്കി

“നീ പോടാ “ ജഗന്നാഥനെ നോക്കി ആദി ദേഷ്യപ്പെട്ടു.

“മറുപടിയില്ലേ ,,,,,,,?” ആദി വീണ്ടും റെഡ്ഡിയോട് ചോദിച്ചു

“ഇല്ല,,,,,,,,നീയെന്തു ചെയ്യും ,,,,,,,,?” തന്‍റെ അപ്രമാദിത്വം മീശ പിരിച്ചു കാണിച്ചു കൊണ്ട് സിവെല്ലൂരി ഗോവിന്ദ റെഡ്ഢി അതീവ ഗൗരവത്തോടെ അവനോടു പറഞ്ഞു

“ഇല്ലെങ്കിൽ “

“ആഹാ അത്രക്കായോ , എന്നാ നിങ്ങളെയൊക്കെ ഞാനൊരു പാഠം പഠിപ്പിച്ചു തരാം”

ആദി അവിടെ നിന്നും ദേഷ്യത്തോടെ ഇറങ്ങി പോയി.